早前小编同大家介绍川流假日任食点心，小编都忍唔住亲身去品尝一下，真系好有惊喜！等小编为大家一一介绍啦

餐厅并唔似传统川菜　用上明亮中式装修，反其道用日式酒吧格调，据讲呢度夜晚除火锅同私房菜之外仲会变身酒吧，有机会一定要黎饮返几杯。

呢度茶芥收$25/位，连茶壶都唔似其他中式茶楼，好精致。其实睇Menu选择唔算真系好多，不过出面仲有一个自助沙律吧，系野食到之前可以当前菜食住先，系热食之前好好开开胃。

沙律吧配菜都好吸引，好用心好有质素，其实每一盘用黎单卖应该都已经超过个任食价。而且每款前菜都配有各自酱汁，足见餐厅用心。

棒棒鸡配棒鸡麻酱汁，有少少似手撕鸡，特别系　加火龙果同青瓜，入口好清爽，肉质嫩滑，酱汁唔会辣，相信系小朋友最爱。

蒜泥白肉配甜红蒜泥汁，甜红蒜泥汁睇落好红以为会好辣，其实只系少少辛香味，白肉片配粉片真系好夹！

五香牛肉配酱麻油汁，五香味可以去除牛肉腥味，肉质软　。

川北凉粉配凉粉汁上面仲有食用花朵做装饰，拌入香辣凉粉汁非常开胃。

如果想再重口味少少可以试酸辣拌阔粉，清新辣味同酸味令成个粉变得不油腻。

食完辣或者主菜之後记得整返碗软滑古方红糖豆腐花，唔止解辣，仲为整个午餐画上完美句号。

之於点心方面，虽然选择唔算多，但喜欢食点心人一定会好满足，因为每一样点心都系落足本用心精制，首先小编就同大家分享自己觉得最好食３项必点∶百花煎萝卜糕、糊辣壳酸辣抄手同虾汁小笼包。

百花煎萝卜糕最特别之处就系　无放虾米，取而代之系於萝卜糕中间夹1/3　多虾肉同虾子，所以食落真系非常之有层次，系好少可以食到美味，加上伴碟酱汁，味道令人一试难忘。

糊辣壳酸辣抄手真系好高质，　酸辣系吞落肚之後系喉咙慢慢　散发，唔会好呛喉，感觉好清新，唔系一下攻击你辣味，加上皮薄馅靓抄手，绝对值得一人一碗啊

虾汁小笼包好得意，有条尾系上面，　会同埋一管管醋上，比你将醋直接注射入小笼包入面，好玩又好食，仲好Ig-able，足见巧思，咬落汤汁爆到成个口都系虾香味，可谓色香味俱全。

另外仲有包点、蒸饺烧卖同炸物可以选择，小编已经全部试晒，全部都系水准之上，就放题而言真系好难得啊！

同场加映∶单点美食及创意鸡尾酒

除周末午市放题，呢度平时都推出唔少高质川式美食，例如∶醋椒胡辣羹、文殊院甜水面、家乡熏腊肉胡椒饼，食醋椒胡辣羹时候不妨落少少顶级　椒粉同100万度辣辣椒粉，唔好以为会辣到喷火，其实系几顺口架

当然呢度有得酒吧，又点少得美酒？除可以单点酒品，仲可以试一试　地创意鸡尾酒，今次餐厅就推荐呢个舌尖上的花椒同Gariguette，前者系得奖作品，以Gin加上清酒、茶及花椒等川式味遁调制而成，杯边仲有搌压过茶叶同砂糖作最後调味；而Gariguette一定会系女士最爱，粉嫩色调调酒上插住一粒士多啤梨玫瑰，味道清甜易入口，男士点返杯比另一半一定令　心花怒放。

小编仲八到　地新年有XO酱萝卜糕卖，不过今次实在系食唔落啦，有兴趣不妨买返抵返屋企煎香同新朋好友分享啊~

川流

地址: 湾仔太和街28号湾仔荟贤居地铺
电话: 31266633