身为一个土生土长香港人,小编最近都真系陷入一片愁云惨雾之中。作为一个吃货,最快令自己振作方法就当然系食啦!想必大家都好想支持一下香港人开的小生意,帮衬一下良心小店。
旺角楼上Cafe 90s LAZY,由六位90後的有心年青人开设,於旺角热闹之中僻出一个舒适用餐空间,大家都不妨去呢间小店好好同朋友享受个 令人放松空气。
今次小编就黎试下呢度好唔好食啦,由於我地无Book位,所以上去都要等一阵,店员唔知系咪怕我地会热,叫我地入去入面等。今次我地叫左一个是但全日早餐、一份松露薯条、一份拿破仑意粉同2杯饮品。
系完全满座之下,食物都上得叫做快,虽然无特地去摆盘,但份量同卖相都真系好有诚意~呢度意粉有家味道,同连锁店食到茄汁意粉相比比较清,反而小编比较喜欢呢种小清新系意粉,食落比较无负担。
是但全日早餐有茄汁豆、法兰克福肠、沙律、炒蛋、多士等等,以价钱而言份量都几多,除炒蛋可以炒得更滑之外,都真系几唔错架!
而松露薯条真系小编大爱,我地挂住倾计,冻先食都觉得好好食,松露酱偏甜,同炸得酥脆薯条真系好Match!
小店今年夏天先开业,遇上近月来的种种事件都依然同大家爱护香港呢个家,系咪好抵锡呢?
90s LAZY
地址∶九龙旺角亚皆老街83号先施大厦4楼01室
Facebook∶https://www.facebook.com/90slazy/
如果你都想分享你美容、时尚、旅行、运动心得,请将投稿文章连同不多於100字个人简介同埋近照一张,电邮到∶ editor@homita.com.hk,文章经小编筛选後更有机会刊登我FB专页,一经入选我会支付相应稿酬,仲唔快来投稿?
Author Information
You May Also Like