去台北玩最緊要緊係食野啦！今日小編就想同大家介紹呢間最近爆紅嘅北蘭阿姨商行，據說佢嘅嘎拋豬肉飯好食到係夢幻級別！仲要價錢好開心，去台灣一定要去試吓！

去開台灣嘅朋友可能都知，「北蘭」呢個詞同 某話人嘅詞語讀音好相似，睇黎店主都係搞笑嘅一分子。店仔雖小，但都好多擺設，令人有一種去咗懷舊雜貨鋪嘅感覺。

呢個就係佢著名嘅嘎拋豬肉飯啦！香噴噴嘅打拋豬肉量超多啊！拋量好夠，肉味好重！而香腸飯相比之下就覺得比較普通，不過如果你係香腸人都可以一試。辣度可以自己揀，怕辣嘅人記得先跟店員講定要少辣啦！

望住一大盤嘅打拋豬肉真係口水都流曬出黎啊！香口打拋豬肉加埋Juicy半熟蛋，撈飯一流！見到都覺得好肚餓啊！有冇人想同小編去台北啊？

除咗打拋豬肉飯同香腸飯，店內仲有邪惡拉絲綿花糖吐司，呢個組合實無難食架，出黎啦！甜品控！你嘅對手就係度啦！

鋪頭入面坐位唔算多，加上最近佢地名聲大躁，係食飯時間真係超級多人！如果大家想食嘅就要早啲去啦！一係就等過咗食飯時間先會比較少人啲。

如果真係好想食飯時間食到佢，都可以叫外賣，拎住佢「北蘭」個朵人係台北街道行走，唔知會唔會提高回頭率呢？

All photos via 北蘭阿姨商行

北蘭阿姨商行

新北市永和區復興街87號

電話：098787-9987

營業時間：17:00 - 01:00 (售完提前打烊)