對於喜愛童話故事嘅人嚟講，走訪城堡絕對係人生中一定要做嘅事。喺法國諾曼底附近有一個名為聖米歇爾山嘅岩石小島，呢個地方一定可以滿足你地親歷華麗城堡嘅願望！
聖米歇爾山被列為世界文化遺產，係法國一個相當有名嘅觀光景點。除此之外，呢度亦都係天主教徒嘅朝聖地，所以每年都吸引大量來自世界各地嘅遊客造訪當地。
喺不同時份到訪山城會帶嚟完全唔同嘅觀感，早上可以清楚見到城堡外觀，能夠感受莊嚴嘅氣息。到夜幕下垂嘅時份，亮起燈光嘅城堡帶嚟浪漫嘅景色，整個城鎮都變得夢幻起嚟。
壯麗景觀吸引咗唔少電影製作團隊前嚟取材，為人熟悉嘅《魔戒》及宮崎駿嘅《天空之城》當中嘅場景就係以聖米歇爾山為原型進行創作。
呢度嘅景色靚到仿如人間仙境，各位城堡控必定要揾個機會親自前往當地觀賞呀！
Tags: Homita去旅行
如果你都想分享你嘅美容、時尚、旅行、運動心得，請將投稿文章連同不多於100字個人簡介同埋近照一張，電郵到： editor@homita.com.hk，文章經小編篩選後更有機會刊登喺我哋FB專頁，一經入選我哋會支付相應稿酬，仲唔快啲來投稿？
Author Information
You May Also Like
