2017年係置地廣場嘅「睿智之年」。今年嘅壓軸活動,置地廣場特別邀請著名法國插畫師Claire Le Meil同Gwen Keraval,打造出充滿童真,充滿希望嘅「Unlock Your Imagination」展覽。
喺「聖誕小熊」嘅號召下,來自世界各地嘅小朋友都醫集於置地廣場,發揮大家嘅想像同創意,提出令世界變得更美好嘅小主意。Gwen將呢啲充滿愛同祝福嘅小主意打造成10個精緻有趣嘅場景。
「Unlock Your Imagination」擁有一座可以提供無限乾淨飲用水嘅「漂浮小島」同可以比無限人入住嘅「無極限大樓」。小男孩利用破舊電器雜物創造咗可愛機械人;小女孩為動物們開發出能醫治百病嘅神奇藥水。
聖誕節係互相分享、充滿希望嘅節日,今年置地廣場「Unlock Your Imagination」將小朋友嘅奇想一一成真,結合咗高科技電腦程式同機械操作,角色玩偶都充滿生氣,每半小時就會郁動一番,好可愛。
大家仲可以透過中庭嘅「Wish for a Better World」,許下令世界變得更美好嘅願望。每收到1個願望,置地廣場就會向本地慈善團體願望成真基金捐出港幣20元,幫助患有重病嘅小朋友實現願望。同時,只需捐出港幣20元,即可參加拍照活動並獲得「Capture the Wishful Moment」紀念照片一張。
場地仲設有「Harvest for the World」,可以體驗以AR技術而成嘅一幕 ,同故事中嘅小朋友互動。
置地廣場係中庭一角設有義賣店,販售一系列獨家精品,包括角色毛公仔、手工心意卡套裝同印有「Unlock Your Imagination」角色嘅精美環保購物袋等等,所得款項將全數捐予願望成真基金。
