一份營養豐富的沙律要配合足夠熱量、蛋白質、碳水化合物、纖維、以及脂肪,才能為身體提供足夠能量及均衡營養。 但大部份都市人為求方便,買便利店、coffee shop的沙律盒,冇認真留意營養標籤,想減肥的同時,可能越食越肥都不知!
其實自己整沙律並不難,只要大家遠離以下五大陷阱,沙律可以成為你每日輕食之選~~
#1 致肥沙律醬
凱薩沙律醬、蛋黃醬、日式芝麻醬均屬高熱量及高脂肪的醬汁,應該避免用作沙律醬汁。建議調味可以使用相對較低脂的沙律醬及油醋汁,新式的檸檬鹽汁、柚子青辣椒醋、柚子胡椒醬等少油份的醬汁都是不錯的選擇~
#2 Toppings
麵包粒、煙肉碎、芝士粒、提子乾、果仁等等係常見的配料,但以上的配料含有高熱量、脂肪以及糖份,細細粒咁食,隨時食多食左都不知~ 注意配量份量,食少少當零食冇壞~
#3 缺少碳水化合物
欠缺足夠的碳水化合物以補充體力,容易令人肚餓,減慢新陳代謝,所以加入適量碳水化合物,例如藜麥、螺絲粉、薯仔、南瓜、粟米等, 為身體補充能量、水分及肌肉量。
#4 缺少蛋白質
蛋白質對身體好重要,可以增加肌肉,提升新陳代謝,幫助燃燒脂肪。加入適量蛋白質,例如可選擇雞肉、三文魚、吞拿魚、雞蛋、蝦等,為身體提供蛋白質。
#5 低纖維蔬菜
缺乏攝取足夠的纖維量容易導致宿便情況。生菜、唐生菜、青瓜等這一類蔬菜纖維含量低,即使你吃完一碗菜攝取到的纖維仍然很少。建議加入纖維含量較豐富的蔬菜,如四季豆、青豆、西蘭花等,或加入一湯匙的奇亞籽,亦可補充纖維。 不忘進食五顏六色的蔬果,均衡攝取不同營養喔~~~
如果你都想分享你嘅美容、時尚、旅行、運動心得,請將投稿文章連同不多於100字個人簡介同埋近照一張,電郵到: editor@homita.com.hk,文章經小編篩選後更有機會刊登喺我哋FB專頁,一經入選我哋會支付相應稿酬,仲唔快啲來投稿?
Author Information
You May Also Like