節食與運動係瘦身時嘅指定動作，但並唔係所有人嘅意志力都足以支持長時間嘅苦行生活，所以小編就揾咗一個嚟自日本嘅簡單減肥方式，即使無特意更換餐單，亦都可以喺60日內瘦7公斤！大家唔洗再用激烈手法變瘦，亦免受體重反彈嘅風險。
其實方法非常簡單，就係喺用餐時使用你嘅非慣用手，大多數人嘅慣用手係右手，喺減肥時期就應該轉用左手！呢種飲食模式可以令你嘅用餐速度減慢，人體嘅滿腹中樞就會有足夠嘅時間去作出反應，令你只需進食少量食物就能得到飽足感，預防攝取過多熱量。
呢個方法除咗可以瘦身之外，亦有減壓嘅效果。澳大利亞新南威爾士大學嘅研究指出，維持兩星期有意識地交互使用左右手，就可以刺激主司自制力嘅大腦部位，令情緒得以保持平穩，改善易怒嘅情況。
大家喺使用非慣用手飲食法嘅時候，唔需要持意改變菜單，維持返均衡嘅飲食就可以。另外，喺用餐嘅時候亦要盡可能使用筷子，咁先可以有更加明顯嘅效果！
Tags: Homita瘦身計
如果你都想分享你嘅美容、時尚、旅行、運動心得，請將投稿文章連同不多於100字個人簡介同埋近照一張，電郵到： editor@homita.com.hk，文章經小編篩選後更有機會刊登喺我哋FB專頁，一經入選我哋會支付相應稿酬，仲唔快啲來投稿？
Author Information
You May Also Like
