度度都無口罩買,除咗日本口罩、韓國口罩之外,唔少人甚至搜羅埋印度、越南等地嘅口罩。但最近日本都出現嚴重口罩荒,藥妝店嘅口罩幾乎都被掃光!全球口罩都供不應求,部分口罩仲炒到天價咁貴。各地生產商都加緊工作,希望可以應付口罩不足嘅問題。日本口罩廠商Unicharm表示會24小時工作,希望可以製造6億個口罩。
世衛組織分析指個人防護用品例如口罩,需求比平時多近100倍,價格亦升至最高20倍。Amazon上,由Unicharm生產嘅30個裝「超立體口罩」嘅售價高達105美元(約港幣820元),係普通價格嘅10倍以上。
出產「超快適」、「超立體」口罩嘅日本口罩工廠Unicharm亦收到比平時多10倍的口罩訂單,為加速生產,2月繼續24小時開工,以滿足日本藥妝店嘅龐大口罩訂單量,同時滿足中國旅客將口罩產品帶翻中國嘅需求。日本衛生材料工業連合會表示現時日本口罩生產量為每月6億個,比平時產量多50%,負責人表示雖然難以預計,但如果搶購爆買潮減退,有機會2星期左右解決口罩短缺問題。
如果你都想分享你嘅美容、時尚、旅行、運動心得,請將投稿文章連同不多於100字個人簡介同埋近照一張,電郵到: editor@homita.com.hk,文章經小編篩選後更有機會刊登喺我哋FB專頁,一經入選我哋會支付相應稿酬,仲唔快啲來投稿?
Author Information
You May Also Like