都市人大多都要以眼鏡去輔助視物,唔少人為咗方便美觀,都會轉而選擇戴隱形眼鏡。但大家又知唔知道,隱形眼鏡並唔係人人都適合配戴嘅呢?以下呢三類人就要注意下,避免令眼睛受到傷害啦!
#身體不適
喺生病嘅時候,淚液嘅分泌會減小,同時角膜代謝亦都會有所下降,眼部抵抗力更係會變弱。所以喺病果陣,都係俾眼瞔好好休息,唔好戴隱形眼鏡增加身體嘅負擔啦!
#過敏體質
對於易出現過敏嘅人嚟講,配戴隱形眼鏡有機會引起併發炎症,令眼睛出現痕癢、甚至紅腫嘅症狀。假如無及時得到治理嘅話,仲有可以損害視力,後果可以好嚴重。
#40歲以上
隨住年齡增長,眼睛亦都會出現退化嘅現象,令到眼球忍受缺氧情況嘅能力大減。所以40歲以上嘅人士都要避免長時間配戴隱形眼鏡,而60歲以上人士都係乖乖地用返眼鏡啦!
Tags: Homita愛健康
如果你都想分享你嘅美容、時尚、旅行、運動心得,請將投稿文章連同不多於100字個人簡介同埋近照一張,電郵到: editor@homita.com.hk,文章經小編篩選後更有機會刊登喺我哋FB專頁,一經入選我哋會支付相應稿酬,仲唔快啲來投稿?
Author Information
You May Also Like