大家平日為咗生計忙個天昏地暗，生活步伐緊促至仿佛被人追趕，完全無喘息嘅空間。難得有假期可以出走放鬆一下，咁就當然要揀返啲遠離城市嘅地方，走入山林當中舒緩被拉至繃緊嘅神經。
喺園林中放空自己係療癒身心嘅好方法，所以小編就決定介紹位於新竹嘅青蛙石天空步道俾大家。呢條步道係比較新嘅旅遊景點，喺去年3月先正式啟用。佢嘅建設係相當親近森林，令大家可以近距離欣賞到山林景致。
沿住步道行走時可以欣賞瀑布飛瀉而下，低頭就見到清澈嘅溪水流過，聽住流水聲猶如心靈得到洗滌。步道嘅盡頭係一座懸空嘅玻璃彩虹步道，陽光與瀑布嘅光影交錯令呢度時常出現彩虹奇景，幸運嘅話就可以喺瀑布上見到彩虹，所以好受遊客歡迎。而彩虹步道下面嘅就係那羅溪谷，電影《賽德克·巴萊》亦曾喺呢度取景咖。
成條青蛙石天空步道大約花費一小時就行完，而且路途走起亦係輕鬆不費力。對於唔多做戶外活動嘅城市人嚟講，呢條步道話唔定就係愛上自然嘅契機！
Tags: Homita去旅行
如果你都想分享你嘅美容、時尚、旅行、運動心得，請將投稿文章連同不多於100字個人簡介同埋近照一張，電郵到： editor@homita.com.hk，文章經小編篩選後更有機會刊登喺我哋FB專頁，一經入選我哋會支付相應稿酬，仲唔快啲來投稿？
Author Information
You May Also Like
