受光之力量同暗之力量影響，最近東京上野晴空塔附近 一帶瀰漫住一股不可思議嘅氣氛。今個一月，晴空塔聯同迪士尼，帶各位勇者進入《Kingdom Heart III》嘅世界。各位進入晴空塔嘅勇者，「我」將會運用「我」嘅光之力量，引領各位勇者前往「天望迴廊」嘅頂點。最後，就要靠你哋親手打開「光與暗之門」，逃出依個「不思議之塔」。而加，就等「我」帶你哋睇下「不思議之塔」嘅影響先！

(tokyo-skytree.jp)

    首先，等「我」帶你哋去睇《Kingdom Heart III》嘅原創影像。為咗紀念《Kingdom Heart III》發售，晴空塔將會係指定時間播放《Kingdom Heart III》嘅影像，同主角索拉一齊體驗完依個宏偉嘅世界之後，先再出發啦！

(tokyo-skytree.jp)

    睇完《Kingdom Heart III》之後係咪覺得好吸引呢？只要你係晴空塔入面集齊5個指定印章，就可以換領兩款限定嘅《Kingdom Heart III》postcard。

(tokyo-skytree.jp)

    咩話？你話得兩張postcard唔夠，仲想帶多啲戰利品返屋企？真係貪心！不過，你嘅願望「我」同「暗之力量」都收到啦！為咗貪得無厭嘅你，係晴空塔到特設《Kingdom Heart III》店，入面有《Kingdom Heart III》角色造型嘅商品，例如係memo、鎖匙扣、原子筆等等。

(tokyo-skytree.jp)

    唔怕講多少少你知，只要你係《Kingdom Heart III》特設商店到買滿1500円（連稅）就可以獲得一款《Kingdom Heart III》嘅原創貼紙（共5款）。既然你都想拎哂佢地嘅周邊返屋企，又點可以錯過依一套限定派發嘅貼紙呢？

    睇完晴空塔受「光之力量」同「暗之力量」嘅影響之後，係咪好想親臨依座「不思議之塔」，加入我哋成為勇者嘅一份子呢？而加，你只要親臨晴空塔就可以加入我哋，仲唔快啲報到？我哋等緊你㗎！

詳情：

Skytree 光與闇之塔

日期：2019年1月8日
地點：東京墨田區押上1-1-2 晴空之塔 天望回廊
費用：免費（展望台需付費）