斷食聽上去好似好可怕，係一般人眼中唔食野減肥就一定係唔健康。但2016年醫學生物學諾貝爾得獎主大隅良典，佢就有另外嘅睇法，佢嘅 『細胞自噬』研究發現，細胞係斷營養16小時後會開始自行汰舊換新，或者斷食可能有幫助修復細胞、和返老回春功效！
歐美最近就流行起輕斷食減肥嘅熱潮，普遍分為16/8進食法同52斷食法。52斷食法聽上去比較辛苦，一星期正常食五日，再斷食兩日。而今次想介紹嘅16/8斷食法就比較容易堅持，其實就係每日嘅飲食分配係6-8小時入面完成，另外16小時則不可進食，最輕鬆就係提早晚餐時間，5點鐘前食完早餐，第二朝9點後先食早餐，就可以輕鬆達成。
呢個方法其實好易跟，如果配合健康嘅食物搭配，好快就可以見效，呢種「間歇性斷食法」係健身圈尤其風行，連DJ森美都係靠呢個方法搭配泰拳，3個月瘦咗20磅，成功減脂增肌。
不過大家記住輕斷食減肥唔代表可以放棄早餐，只係將進食間距縮短，比更多時間身體消化，同埋所有減肥方法都要搭配運動先係最有效，減肥之餘要顧及身體健康啊！
Tags: Homita瘦身計
如果你都想分享你嘅美容、時尚、旅行、運動心得，請將投稿文章連同不多於100字個人簡介同埋近照一張，電郵到： editor@homita.com.hk，文章經小編篩選後更有機會刊登喺我哋FB專頁，一經入選我哋會支付相應稿酬，仲唔快啲來投稿？
Author Information
You May Also Like
