今次穷人食家入到屯门觅食，经地胆朋友推荐，去华都商场1楼小食街，呢度虽然唔系咩新商场，但都几多食店，价钱比龙门居、良景亲民少少，不过画风都比较朴实少少。今次小编好好彩买3样野食都好好食，都够2个人衣肚，一齐睇我地食咩啦！

新味 日式炸酱捞面

$50开始倒数

铺头入面个姐姐话呢个捞面酱系酱日式芝麻酱同肉酱炒埋，就甘睇落有似谭仔炸酱，闻落好香芝麻味，就甘试个酱都几咸，又带肉酱香，捞匀食好好味，芝麻味唔算好重，同肉酱完美熔合，正！另外仲可以加几蚊要杯豆浆或者加添！

日式炸酱捞面 $17

劲　味 垦丁风味炸牛奶

净返$33喇

小编自己好钟意呢个炸牛奶，炸到外面脆卜卜好似油炸鬼　，牛奶馅好香好软滑，而且唔会太甜，好快已经一粒接一粒食晒啦！店内哥哥话　系特登去垦丁牧场学整架！想食到垦丁味道就要黎试啦！

炸牛奶 $12

板卷 超好食炸软壳蟹手卷

最後$21点用好？

由於同行朋友都大食，所以Y小编尽量都捺饱肚，见到呢间手卷店好吸引，铺仔细细超多选择，价钱都好吸引，由於我地用净21蚊，所以就拣呢个炸软壳蟹手卷，叔叔劲Nice整到个手卷劲靓，　话呢D系基本，好有自信！一食落口我就明白　自信系有原因架，因为真系超好食，软壳蟹炸得好，连埋沙律酱同寿司饭咬落去，D蟹汁同沙律酱系口入面爆开，又唔会太过热，配埋微酸寿司饭简直系掂啊，仲唔会觉得漏，大推！

炸软壳蟹手卷 $21

食完3样都够饱啦，可惜系唔够预算买埋饮品，但间间小铺都有诚意之作，得闲可以过黎食啦！如果你地都有美食推荐，希望你地可以留言同我开心Share，拜拜！

板卷 ∶屯利街1号华都商场1楼65C号铺

劲　味∶屯利街1号华都商场1楼

新味∶屯利街1号华都商场1楼41号铺