依家已经踏入左秋天，天气逐渐转凉，系咪觉得需要一个暖笠笠既慰藉呢？快躲系「大树睡袋」入面啦，成个人都俾张被包住，又保暖又疗愈啊！
出售好多日本生活小物既杂货品牌YOU+MORE!，2016年推出左「炸虾睡袋」，身体好似裹著面衣、双脚仲有红色羊毛脚套，令人变身成巨大炸虾，仲有爆笑视觉效果同保暖性，掀起热潮。
2018年又推出左「大树睡袋」，睡袋分成两部分，绿色树冠部分放入枕头，令训觉更舒适，面积都大到盖过胸口，令双手都可以保暖。身体部分就系啡色树干，下面仲有拉链可以选择俾对脚伸出黎透气。
仲会附赠「树枝」卡片，官网说明系俾你著左之後拎住影相。长宽180 x 58公分，一般身形既男女都可以轻松躲入去。
锺意植物既人，仲可以买埋「大根抱枕」，长115公分，可以令你上半身有紧密既依靠，即使系单身，都可以有温暖既陪伴！
Tags: homita新鲜事
如果你都想分享你美容、时尚、旅行、运动心得，请将投稿文章连同不多於100字个人简介同埋近照一张，电邮到∶ editor@homita.com.hk，文章经小编筛选後更有机会刊登我FB专页，一经入选我会支付相应稿酬，仲唔快来投稿？
Author Information
You May Also Like
