各位韓劇迷追完上半年度既劇未呢？如果睇曬都唔緊要，因為小編已經搜集左四部即將係下半年推出嘅新劇集喇。炎炎夏日，當然係留係屋企嘆住冷氣煲劇喇！見到呢幾套嘅卡士陣容都相當強大，當中仲有小編最愛既李棟旭添，好希望快啲有得睇呀！

①  《LIFE》

主演：李棟旭、曹承佑

首播日期：預計在2018年7月

劇情簡介：以醫院為背景、講述醫院嘅權力鬥爭。

李棟旭終於係《鬼怪》後拍攝新劇，今次終於可以著起醫生袍同觀眾見面，唔洗再做地獄使者，相信好多粉絲都同小編一樣咁期待。李棟旭會飾演醫院急診部門專科醫生，同曹承佑飾演嘅醫院主管將展開對抗。兩位實力派演員嘅演技對決，睇黎有一場精彩嘅對手戲。

② 《我身後的Terius》

主演：蘇志燮、李宥英（暫訂）

首播日期：預計在2018年下半年

劇情簡介：國情院要員金本，因為幫助了一名寡婦而無意被捲入一場巨大陰謀嘅故事。

時隔三年，蘇志燮終於回歸電視劇啦，對上一套電視劇已經係2015年出演《Oh My Venus》。今次將會參與出演 MBC 全新水木劇《我身後的Terius》。雖然女主角、劇情等細節尚未公布，但淨係蘇志燮回歸電視劇，就已經令粉絲期待！

③ 《想暫停的瞬間：About Time》

主演：李相侖、李聖經

首播日期：預計在2018年5月21日

劇情簡介：講述能看到別人同自己壽命時鐘嘅不幸女人，遇到了一個輕而易舉就能暫停佢嘅時間嘅男人之後，係一部浪漫又奇幻愛情故事。

呢個二人組合真係非常新鮮。係劇集入面，李聖經飾演「崔Michaela」，有能力睇到自己和其他人壽命表嘅不幸人物。突然有一天遇到了可以停止壽命表嘅男人，為了能抓住佢而盡曬所有嘅努力。而李相侖飾演「李道河」，在不知情嘅情況下暫停咗崔Michaela嘅壽命時鐘，因此受到佢的誘惑、威脅而煩惱。到底兩者相遇之後會擦出咩火花呢？真係令人又緊張又期待！

④《金秘書為何那樣》

主演：朴敘俊、朴敏英、李泰煥、黃燦盛

首播日期：預計在2018年6月6日

劇情簡介：財閥二世、顏值實力兼具嘅男主李英俊，同佢身邊能力滿分嘅9年女秘書金美蘇嘅故事。

呢套係韓國tvN既水木連續劇，由《今生是第一次》朴俊和導演執導與鄭恩英作家合作打造。唔講唔知，原來呢套劇係改編自韓國高人氣同名漫畫。其實朴敏英都有參與過唔同既電視劇，例如《成均館緋聞》、《Healer》同《七日的王妃》等等。而朴敘俊更加被稱為「國民年下男」，浪漫喜劇男神們同實力派女神嘅相遇令觀眾相當期待三人在劇中嘅火花。