自從係上年年尾推出左專為20歲出頭少女而設嘅年輕品牌Recipist，SHISEIDO上個星期又推出全新品牌Posme喇！今次仲特別為女高中生度身訂造，全部產品都勁夢幻，啱晒啲少女啊～

新品牌Posme係“post”和“me”嘅縮寫，代表著品牌鎖定嘅群族，社群媒體對於哩一代網路原住民嘅重要性。

今年係2018年，亦姐係話2000年出世嘅少男少女們都已經18歲，當化粧護膚品市場不斷開發抗老產品嘅同時，SHISEIDO決定將市場鎖定於哩班00後嘅年輕人身上，想趁著他們第一次接觸化妝品時認識SHISEIDO，打造品牌忠誠度。透過品牌旗下嘅Innovation Design Lab針對多次對女高中生做嘅調查與研發後，Poseme&Co. 團隊發現，大多數高中生對於彩妝品嘅要求，在於新奇、方便、夠吸睛，並唔需要有大嘅容量，因為他們根本用不完。

小時候嘅你一定試過同朋友交換貼紙。Poseme為左滿足一眾少女心，將類似嘅靈感運用到化妝品上，設計出讓高中女生可以隨意交換嘅「彩妝小卡」。

Play Color Chips一共推出8種款式，每一包裡總共有6張小卡，係一樣多功能嘅化妝品。係一格一格嘅小方塊上，畫上左香水、球鞋、包包、寶石等插畫，撕開薄膜後只需用指尖沾取，可以當做眼影用、胭脂同唇膏，一物幾用，令女高中生們即使冇太深厚嘅化妝技巧，都可以無拘無束地嘗試！

粉紅色嘅包裝配以可愛插畫，一上市就已經吸引好多日本少女搶著收藏，而且售價才日幣300元，等於差唔多20蚊港幣，超平易近人嘅價格，又可以即刻使用，隨身攜帶補妝非常方便，你地又會唔會想試下！