呢個夏天，人氣品牌 FILA 同日本 FITS 聯乘，推出咗全新香水系列！如果妳係 FILA 嘅 Fans 或者係香水控，就要留意啦！

呢次嘅全新系列行少女粉嫩風，包裝全部都粉色系，少女見到一定超鍾意！而且唔同香味嘅包裝搭配咗唔同嘅粉色！感覺好有心思～

上年，日本FITS宣布同運動品牌FILA合作，攜手推出便攜式香水「FITS x FILA Fragrance Bottle」，無蓋設計加上附有登山扣，初登場時令唔少使用者直呼：好方便！

嚟到今個夏天，FITS再度推出FILA全新香水系列，雖然一改以往設計，但將包裝換上粉色色系，只係望住個靚靚粉嫩包裝就想將佢哋帶回家！

根據個人喜好，可以選擇噴霧裝、香水膏或者香水棒～當中有甜甜水果香「粉紅色 Sweet Coaster」、清新柑橘香「湖水綠 Citrus Sundae」以及溫和番梘香「粉紫 Loose Savon」～售價由950円至1,500円不等，未連稅。

粉色Sweet Coaster：甜味水果香

湖水綠Citrus Sundae：清新柑橘香

粉紫Loose Savon：溫柔番梘香

8月17日已率先於日本全國PLAZA分店及WEGO部分分店有售，或可於FITS網店購買。9月21日於日本全國發售。快啲買支做個香噴噴嘅少女啦～～