就係要呢種光!每次去韓國,見到路上韓妹清透到識發光嘅皮膚總係十分嚮往,光澤底妝比人一種天生皮膚就好好嘅感覺~ 擁有CLIO Kill Cover Glow氣墊粉餅,拍一拍就可以快速完成底妝,要擁有吹彈可破嘅水煮蛋肌絕對唔係夢!
女生喺選擇底妝嘅時候一定會有唔少困擾,除咗遮瑕,水潤度,持久度係關鍵,唔想成日要拍拍補補,妝感越嚟越厚重,好似戴咗塊面具上面咁? 大部分粉底液會隨住上妝時間加長,接觸空氣後使臉部光澤度降低或暗沉,而呢款氣墊粉餅比起之前出嘅氣墊滋潤度進一步提升,帶比肌膚水潤光澤感,而光澤感亮度亦唔會因為氧化而降低。
CLIO Kill Cover Glow Cushion亦比舊款嘅Cushion更持久,主打24小時水潤肌膚,一抹就可以Hold住全日飽滿,令人想偷捏一下嘅水光肌!
唔好以為光澤感同遮瑕度唔可以並存,CLIO Kill Cover系列出曬名遮瑕效果一流,可以好好咁遮蓋皮膚上嘅瑕疵!無粉感零毛孔妝容望落精緻,好似天生肌膚就咁好~
32,000 韓元就買到30g嘅產品 (一顆氣墊+一個補充芯),實在十分抵買!除咗CP值高之外,CLIO Kill Cover Glow Cushion仲具備高顏值~ 整體包裝係玫瑰金色,加上閃耀鏡面外殼集合曬最流行嘅設計元素~
CLIO Kill Cover Cushion 一共有四色,說實話,韓國底妝真的很白,最淺色號02-Lingerie色上臉後可能會面同頸兩截色,想追求自然妝容嘅可以選擇03-Linen色,相信會適合大部分皮膚偏白皙嘅女生,膚色比較深嘅就可以試試04-Ginger或05-Sand色。附上色表比大家參考一下~
此外呢款氣墊仲有spf 50+,PA++++嘅高防曬系數。不過畢竟係底妝類產品,唔可能塗好厚好多,所以即使有高防曬系數,如果夏天使用,特別係長時間沐浴日光下,最好都係唔好偷懶,盡量唔好省去防曬嘅步驟~