果昔碗(Smoothie Bowl)其實即係用新鮮蔬菜同水果打成的奶昔,輕鬆攝取維生素同膳食纖維,健康有營養而且色彩繽紛,因此又被稱為網紅減肥餐。
佢顏值高而且低卡路里,用料做法簡單,整一碗唔洗15分鐘,唔識煮嘢食都可以整到! 喺忙碌嘅朝早,只需要抽少少時間,就可以享受有營健康嘅早餐,食之前仲可以影低製成品打卡,令你擁有好心情同時充滿活力!
果昔碗有著無限的變化,果昔基底同新鮮水果會隨季節變換,食材新鮮天然無添加。因為水果本來就甜,所以唔需要另外加糖,食落有水果天然嘅酸甜味,冷凍水果經攪打後形成綿潤口感,好似奶昔,為炎夏帶來一抹清涼!加上款款都非常instagrammable同易整,非常適合做早餐或者飯後甜點。
自家製果昔碗可以随意搭配自己鍾意嘅食材,隨個人口味喜好加上不同嘅toppings,造型千變萬化,材料十分彈性。
講咗咁耐,咁究竟果昔碗點做呢?
Tips 1: 選擇水果做基底
果昔基底好多人會用草莓、奇異果、芒果、牛油果、火龍果 。因為呢啲水果除咗好食仲可以配色!如果想果昔比較濃稠就可以加香蕉喺果昔基底。
Tips 2: 搭配蔬菜,增加營養
菠菜、黄瓜、生菜、羽衣甘蓝、甜菜根等等,口感更清新,減肥瘦身必備。
Tips 3: 選擇打底液,令果昔更絲滑
想質地綿滑啲就可以加乳酪、牛奶、椰子水、桃汁,水果香味中更添醇香 。
Tips 4: 少量漿果、堅果、穀麥作點缀
藍莓、草莓、桑莓、核桃、杏仁、夏威夷果仁、 椰子片、燕麥片、奇亞籽、提子乾等等,視覺同口感上都會更好。
Tips 5: 加入調味
如果嫌味道太淡亦可以加入蜂蜜、楓糖、果醬、肉桂粉、抹茶粉、可可粉調味。當然注重健康嘅就可以略過呢個Tip~
烹飪步驟 Cooking Steps:
- 將水果冷凍後取出,切粒切塊,將蔬菜切碎
- 把蔬果放入榨汁機,加入打底液,攪拌成细腻的奶昔狀。
- 把奶昔倒 進容器,加上toppings裝飾
製作步驟非常簡單,只要跟隨建議再加入少少創意,登凳!一碗個人尊屬果昔碗就誕生啦!未經加工嘅食材濃縮成一碗營養果昔,除咗照顧你嘅健康,日日一碗長期食用仲係瘦身好方法。大家快啲發揮創意去整吓啦!