仲記得中四嘅時候，學校邀請咗木偶劇團嚟學校演出。嗰次，係小編第一次係現場欣賞木偶戲。木偶戲係中國傳統技藝,以提線轉化木偶動作而演譯嘅戲戲，並係70 年代傳入香港，但因為木偶戲係現代社會並唔普及，加上難搵到接班人，導致木偶戲嘅演出越嚟越少。

    「再睇多次木偶戲」，係小編嘅願望，隨住自己長大，小編亦都離開咗母校，無得係禮堂到再欣賞木偶戲嘅演出。原本諗住無得再欣賞木偶戲嘅小編，收到小道消息，得知德福廣場係新年期間有木偶戲嘅演出。

    今次嘅木偶戲演出名為「賀歲木偶戲」 ，並由香港偶影藝術中心總監黃暉先生同佢個女—黃慧真小姐共同演出。黃暉先生自 17 歲就開始跟著名木偶大師黃奕缺先生學藝，並且擁有靈活嘅手指，擅長傳統木偶戲入面嘅「提線木偶」，利用超過三十條，,配合手指嘅扯動同勾動，賦予木偶生命。

    而黃暉先生更加將依門手藝傳授比佢個女—黃慧真小姐。黃慧真小姐曾經到湖南學藝,成為受過專業訓練嘅僅餘木偶戲演員。今個新年，黃家兩父女決定宣揚中國經典技藝，引起青少年對中國傳統藝術嘅經趣。

    「賀歲木偶戲」，將會配合德福廣場今年新年文化傳承嘅主題，由黃暉先生同黃慧真小姐兩父女表演財神木偶戲，等市民親眼目睹中國傳統技藝文化，用雙手扯動木偶，用木偶打動市民，一齊慶祝別具特色嘅新春佳節。 

    木偶戲，係中國嘅傳統技藝，但就逐漸被現代社會拋棄。其實唔止木偶戲，唔少中國傳統技藝都臨近終結。唔想你嘅下一代錯失欣賞中國非物質文化遺產嘅機會，就要趁新年同屋企人去德福廣場，欣賞「賀歲木偶戲」，支持中國傳統技藝嘅演出。

德福廣場「賀歲木偶戲」 
日期: 2 月 5 日至 7 日(年初一至初三) 
時間: 下午 2 時、2 時 45 分及 3 時 30 分 
地點: 德福廣場 2 期 3 樓中庭