又有新劇追啦！全球首屈一指嘅娛樂服務商 Netflix 宣布咗，由炫彬與朴信惠主演嘅最新韓劇《阿爾罕布拉宮的回憶》（Memories of the Alhambra）將會由 12 月 1 日起  Netflix 全球播映，每週上架最新兩集。

《阿爾罕布拉宮的回憶》係一齣懸疑愛情劇，故事描述一間投資公司嘅執行長劉鎮宇（炫彬 飾）出差前往西班牙格拉拿納達，入住由鄭希周（朴信惠 飾）經營嘅老旅館後，卻捲入神秘事件。男主角炫彬曾主演韓劇《秘密花園》與《我叫金三順》，女主角朴信惠喺《愛上Pinocchio》與《繼承者們》中嘅表現亮眼，兩位演員喺韓國及亞洲各地均備受喜愛。
 
本劇更由《秘密森林》導演安吉鎬負責執導，編劇宋在貞以《仁顯王后的男人》、《Nine：九回時間旅行》、《W－兩個世界》等作品聞名，兩人合作推出嘅作品已經係品質保證。製作公司就係 Studio Dragon，先前推出嘅名作包括《秘密森林》及《陽光先生》。

Netflix 已向全世界觀眾推出眾多優質韓劇，包括《Life》、《經常請吃飯的漂亮姐姐》等作品，今年尾聲將再次呈獻備受廣大粉絲矚目嘅劇集《阿爾罕布拉宮的回憶》。