相信大家平日好少食上海菜，今次就介紹一間新派上海麵點店俾大家，一齊為呢個天夏日帶嚟新意啦！

上海菜簡稱滬菜，亦稱為「本幫菜」，「本幫菜」係吸收各派之長而成嘅菜系，特別係江浙一帶嘅料理與上海菜，其實也難以畫分為二。尚點以優質上海菜為賣點，喺保留傳統上海風味嘅同時，亦加入創新元素。

尚點小籠包.上海麵館故名思義係一間以小籠包同麵食為主打嘅餐館，佢地嘅主廚擁有二十年炮製上海菜嘅經驗，所以呢度絕對可以食到正宗嘅上海味道。

花雕醉雞 $70

呢道前菜上桌嘅時候已經可以聞到淡淡嘅花雕味，啲雞已經完全吸收哂酒嘅香氣，而且食落非常嫩滑。因為呢味菜喺凍食，所以喺炎熱嘅日子食就啱哂啦！

金網生煎鍋貼(5件) $36

呢道菜驟眼望落去就係一個金網將成所有鍋貼網住，師傅先煎出金網，再喺上面煎餃，然後將佢成件反轉。咁特別嘅造型就係佢嘅其中一個賣點啦！金網香脆可口，而以豬肉做餡嘅鍋貼就充滿肉汁，非常美味。

麻醬拌麵 $40

酷熱嘅天氣容易令人胃口盡失，想開胃嘅話就當然唔少得冷麵啦！濃厚嘅麻醬沾喺每一條麵條上面，令彈牙嘅麵條變得惹味。

香蕉高力豆沙(3件) $36

呢款甜點係一款傳統嘅上海菜。佢嘅表面撒上咗糖粉，並以塊狀嘅香蕉及紅豆沙作為內餡。食落去口感連綿，相信會令你一試就迷上！去食嘅時候一定要試下呢道甜品呀。

尚點小籠包.上海麵館
地址：
沙田第一城置富第一城1樓117A號舖 (2143 5308)        
長沙灣元州商場G02-02A (2117 0740)
藍田茶果嶺道88號麗港城商場1樓64-66號舖 (2884 3070)
荃灣悅來坊2樓201舖 (3622 2770)