夏天除左熱到令到心煩之外，仲會令身體出現唔少尷尬嘅情況，就好似頭油、瘋狂出汗等等既情況都會破壞成個約會嘅氣氛架！係男神或者男朋友面前點可以失禮，當然要時刻都保持美麗啦。小編即刻為你完美既約會而救援，即刻Mark底有咩要注意

1.  頭髮油笠笠點算好？

炎炎夏日氣溫特別高，頭皮會變得容易出油，就算晚晚洗頭都搞唔掂，第二朝晏就又可以出油，搞到啲頭髮油笠笠，咩造型都冇曬。想拯救油田扁塌髮根，可以使用乾洗髮噴霧，即刻返清爽蓬鬆嘅感覺。

如果姊妹們嫌帶成支噴霧帶出街麻煩，不仿試下近期極流行於歐美既「吸油髮紙」，簡直係乾洗髮粉末嘅進化版，而且用法相當方便，原理亦好似吸油面紙咁，不過仲加入左乾洗髮粉末係當中，咁就可以一邊吸油，一邊清潔頭皮啦。

2. 爽身粉係好幫手

夏天最怕就係又曬又出汗，會搞到身成都黐笠笠仲要一陣汗臭味，比男神／男朋友聞到就真係尷尬啦。其實除左最基本嘅噴止汗劑，亦可以嘗試利用爽身粉幫忙。可以隨身攜帶帶有香味嘅爽身粉，利用粉撲將爽身粉混合許具有除臭及提神嘅香薰油，係容易出汗嘅位置按印，可以令身體即時回復清爽又香噴噴。

3. 善用香體濕紙巾

濕紙巾除左女仔可以用，當然都可以比埋男神／男朋友一齊用，仲可以表現你細心既一面添。依加有唔少品牌例如Gatsby、Biore等等都推出左止汗既香體濕紙巾，有啲甚至有冰涼既感覺，簡直係炎夏必備Items之一。呢啲濕紙巾可以當毛巾咁抹身之餘，仲可以止汗除臭，抹走黐笠感覺，夏天出街幾時都可以保持皮膚乾淨爽滑喇！