作為一名小資女，當然要好好掌握理財技巧。但相信好多姊妹都會都會嫌記賬麻煩，半途而廢。今次Homita就推薦3個可愛又實用既理財APP俾大家，不妨好好運用呢啲理財小幫手，安排好每月支出，一齊做個精明既女仔！

① 記帳城市

記帳城市係一個結合「城市發展」既記帳遊戲，只要透過輕鬆簡單既動作記錄開銷，美麗既城市就會發展成專屬於你既獨一無二樣貌。遊戲化嘅整合令你得到最有趣理財體驗！而且仲提供分析圖表，一眼就可以清楚所有收支狀況，俾你對自己嘅個人理財同開銷狀況有更清楚嘅理解。最重要係有雲端同步備份你嘅記賬資料，辛苦記錄再唔會憑空消失，一起持之以恆養成良好習慣啦！

②Toshl Finance

一站式跟踪您嘅所有信用卡、銀行賬戶和現金，令各位忙碌嘅姊妹都可以輕鬆處理同掌控所有花費。仲可以新增預算以確保您每個月可以節省多啲金錢。Toshl 會話俾您知仲有幾多「剩餘的可花費金額」，仲會提示你就黎達到預算限制添，咁就唔怕一個唔覺意洗大左！Toshl Finance亦提供雲端同步功能，等你線上隨時查返紀錄消費。

③NaggingMoney 碎碎念記帳

呢個理財app相當可愛，用家可以自己設定一個「碎碎念」角色，仲可以變更角色嘅照片，換成真嘅爸爸或媽媽或者男女朋友，更加有真實感。當每次記錄花費嘅時候，碎碎念角色就會提醒你一次，咁就唔會忘記記賬啦！而且仲可以清楚睇到一年、月份、或一個星期同每日平均嘅花費明細同支出項目所占嘅比例。就可以方便姊妹們知道邊方面既花費要好好檢討啦！