5月13號就係母親節，為咗慰勞為子女付出一整年嘅媽媽們，由5月1號起一連12日我地都會同大家分享各種甜甜的美食，等大家可以同媽媽過一個最美好、最甜蜜嘅甘い媽媽日❤
 

唔知你幾耐無同媽媽出去玩過呢？你又有冇同屋企人飲過野咁呢？Stroke係一間集合Crazy Golf、Cafe、Party Room同Bar於一體嘅地方，今個母親節，一於同你愛玩嘅媽咪盡情玩餐飽！

Crazy golf係由外國傳入嘅文化，同mini golf唔同，crazy golf 嘅設計更加複雜，針對大人可以一邊玩一邊飲嘢，越玩越瘋狂，越飲越開心。

玩完就可以入裡面嘅餐廳休息一下，食下嘢，呢度嘅選擇眾多，不論係食肉獸定係素食者都會搵到啱心水嘅餐點。

呢度仲有紅絲絨吉拿棒（Red Velvet Churros）食，最特別係佢咬開其實係粉紅色㗎！點上cream cheese食真係一流！做完運動補充一下糖分！

係吧檯上面放咗一系列嘅teapigs茶，teapigs係茶國健康茶品牌，唔好睇佢係茶包，其實茶包入面係一塊塊完整嘅茶葉，唔係碎屑狀架！當有人嗌嘅時候就會剪開茶包為大家沖泡。

最特別嘅係，呢度仲有自家以茶黎研發嘅雞尾酒。就好似呢杯You are my cup of tea，就一定要點比媽咪，就咁聽個名已經甜入心！伯爵茶中和咗威士忌嘅酒味，上面有粉紅色嘅大黃泡沫，就算平時無飲開酒都好易入口。

呢度都有唔少自創雞尾酒，同Bar tender傾吓計可能會有意外收獲架！小編就想同大家推薦Ginger vodka，大家不妨嗌黎試一試。

地址：銅鑼灣Fashion Walk 京士頓街9號1樓G2-3號舖
營業時間：星期一至四 11:30am – 1am；星期五 11:30am – 3am；星期六 10:30am – 3am；星期日 10:30am – 11pm