雪花秀向來重視內外兼美，努力不懈傳承關愛精神，自2010年開始每年舉辦【雪花百家被】慈善活動，傳揚美善愛心。為實踐這項承諾，品牌以【雪花百家被‧傳承初心延溫暖】作為第8屆主題，於早前推出2700套限量版「雪花贈禮」，包括慈善錦袋及皇牌產品，傳承雪花秀關懷精神，所得收益將不扣除任何開支撥捐智行基金會，以資助國內活於艱困中愛滋遺孤之教育開支。
限量版「雪花贈禮」於門市公開義賣，推出後瞬即全數售罄，對於得到大眾的熱烈支持，智行基金會親善大使李徐子淇(Cathy)心感鼓舞: 「感謝雪花秀連續第8年支持智行基金會，每年推出『雪花贈禮』慈善義賣，將皇牌產品賣得收益不扣除任何開支撥捐予智行。得知慈善套裝在短時間內售罄，我既開心又感動，多謝大家獻出愛心與祝福予社會上有需要嗁人，幫助內地愛滋遺孤，俾佢地有機會返學，脫離貧窮，以知識改變命運。」Cathy一直熱心公益，更身教子女行善，通過這些親身經歷，令佢地從小建立樂於助人嘅精神，學懂珍惜，同時擴闊眼界。早前佢同子女們去咗老撾探訪，Cathy分享道: 「呢次探訪為孩子們留下深刻嘅印象，當地嘅小朋友無錢買玩具，令他們學會珍惜，之後更自覺地捐出一半利是錢，希望為其他小朋友送上實際幫助。佢地可以自發性咁參與，令我感到好欣慰。」
雪花秀致力傳承初心，傳承韓方人參智慧，旗下口碑滿載嘅Snowise Brightening Line，引領亮白護膚概念，提倡身、心、靈淨化亮白。Cathy受邀體驗雪花秀嘅美顏智慧，特別讚賞系列蘊含天然白參粒子嘅滋養效果: 「我自己平常都鐘意敷面膜，會定期做深層清潔，我覺得呢隻磨砂面膜好唔錯，滋潤溫和之餘又唔會對海洋造成污染。」
除咗勤力用護膚品維持美麗肌膚，Cathy亦分享了達至「終身美麗」嘅秘訣: 「我相信心善則美，美麗唔單單指外在美，仲包括內在美。平日多關心身邊人，有機會參與慈善活動，為其他人帶黎正能量，唔止可以淨化心靈，達至外表美麗，人開心咗，連內心都變得美麗。」
