今日我地去到大圍狂食，呢邊有好多好出名嘅街坊小食同靚靚Cafe 等我地親身去試下係咪真係咁好食先！
OCIO
呢間Cafe雖然唔算好近地鐵，但都幾多人黎食架！小編去嘅時候見到好多人點All day breakfast，相信味道應該唔錯！
有少少失望，佢同張相唔一樣，係白色嘅，要好努力先見到少少藍色。味道方面，比出面多數刨冰淡少少，撈埋雪糕食幾好，食埋球雪糕就真係有啲淡，如果你食得清淡可以叫呢個。(波子汽水刨冰配雲呢嗱雪糕 $52)
伯爵茶味唔算好濃，但都幾鬆軟，配埋迷你綿花糖都唔錯，不過因為茶味唔太出而會有啲漏。(鑊仔伯爵茶雪山熱香餅 $79)
坤記腸粉
唔好睇佢鋪仔細細，冇乜裝修，坤記嘅腸粉好出名，小編都覺得佢嘅腸粉幾滑，齊醬就更好食!
腸粉 $12
華輝小食
呢間店嘅手撕雞腸粉真係好好食！就咁分開黎講，手撕雞好入味，雞肉都煮得岩岩好，腸粉好滑，兩者用麻醬連結埋一齊！
手撕雞腸粉 $32
大圍亞婆豆腐花
豆腐花好滑，入口即化；黃豆味好香，佢地仲有好多唔同口味選擇，掂！
豆腐花 $12
大圍真係好多好野食，大家放假不妨去大圍食下野，食完仲可以去踩吓單車，咁就唔怕肥啦！
Tags: Homita為食家
如果你都想分享你嘅美容、時尚、旅行、運動心得，請將投稿文章連同不多於100字個人簡介同埋近照一張，電郵到： editor@homita.com.hk，文章經小編篩選後更有機會刊登喺我哋FB專頁，一經入選我哋會支付相應稿酬，仲唔快啲來投稿？
Author Information
You May Also Like
