今年復活節The ONE為一眾ONE PIECE迷帶黎大大嘅驚喜！Chopper今次擔正做大主角，Cosplay 10位海賊王人氣角色，遊走9大打卡熱點！等小編帶你地去率先體驗！

海賊王自拍360°照相區

係房出面嘅大屏幕按下拍照按鈕，依指示進入照相區，快D叫埋你嘅同伴一齊影返張紀念照啦！

烈陽號

由1:1 Chopper cosplay嘅路飛同羅企係5米高嘅「烈陽號」兩旁，帶領同伴們駛入The ONE。大家可以登船一嘗掌舵嘅滋味，記住係度影返張認證照啊！

海賊王瀑布吊橋

呢度Chopper會化身成艾斯同薩浸，瀑布以LED燈造出懸河瀉水嘅動態，大家不妨行上去感受吓！

索柏木桶

講起海盜遊戲就一定會諗到木桶大叔，大家可以係度同「卓洛」Chopper大玩木桶遊戲，睇下邊個令「木桶Chopper」現身。

衝浪激流天梯

「巴基」Chopper同大家一齊乘風破浪，係天梯衝浪落黎，上面仲有山治同芬奇2隻百厭Chopper添！

航海歷險之旅

影完相，就到玩嘅環節，呢度有一部「航海冒險之旅」，快啲黎同朋友一齊挑戰邊個先係最強海賊王啦！

狙擊叢林特「弓」

「烏索普」Chopper同你一齊玩遊戲，睇你可唔可以成為佢嘅得意門生?

睇到咁多可愛嘅Chopper，想帶埋佢返屋企？咁就要去L2嘅期間限定店啦，由3月29號開始仲會有一系列首發限家精品發售添！

除此之外，係商埸以電子貨幣即日消費滿$500，就可以換到限定版「探索航海筆記本」一份，好精美架！