Taste of Hong Kong 今日就正式開始，你地Plan好要食乜未啊？就等小編同大家睇下入場人士係 Taste of Hong Kong 有咩吃喝玩樂體驗可以享受到啦！

首先就係各樣美食節期間嘅限定菜式，今次有超過 20 款由參展餐廳陣容打造出從未喺香港餐單見過嘅菜式，由港幣 50 元起，包括廚魔——慢煮北京鴨、Frantzéns Kitchen ——煮羊肩肉、Little Bao——熱情果園冰包、New Punjab Club ——慢煮雞肉配印度香米、Pici ——羅馬意大利餃子等等及其他更多菜式。



大家都可以喺度率先品嚐由參展餐廳炮製嘅限定及招牌菜式，陣容有 BlackSalt、 Bubbledogs、 Caprice、 Chachawan、 鴨大哥、HAKU、港灣壹號及 Poem Patisserie。鑒於反應熱烈，香港著名的都爹利會館、Okra、 Yardbird 及 Zuma 都會再次參與今次嘅美食節。

Okra 的客席廚房：
由主廚Max Levy為大家帶黎全新菜單。，Levy 聯同數間香港著名餐廳如 Umo Nota、卅二公館及留家廚房一同打造獨特新菜式，分別於星期五、六、日推出，令進場入士有機會品嚐呢啲破天荒煮食組合帶來嘅菜式。

Yardbird 全新 Roti Tori 菜式：
以日式烤雞串而聞名嘅 Yardbird 帶黎全新 Roti Tori 概念菜式，主廚 Matt Abergel 將運用特製嘅烤肉機設計一系列惹人垂涎嘅佳餚。大家可以係度率先品嚐結合經典烤雞同日本優質 食材嘅Yardbird 菜式。

香港與倫敦聯手合作：
夫妻檔 Sandia Chang 及丈夫 James Knappett 將特地越洋首次參與今次嘅盛會。Bubbledogs 團隊同本地米芝蓮一星餐廳都爹利會館合作，炮製以香港風味為靈感嘅熱狗，稱為「The Duddelldog」，以鮮嫩多汁嘅法蘭克福豬肉腸加上中式咕嚕肉作配搭，保證令大家食指大動。除此之外，推薦大家係食佢地經典熱狗嘅時候再配搭一杯香檳。

Instagramable打卡甜品：
來自澳洲悉尼嘅 Black Star Pastry， 其士多啤梨西瓜蛋糕受到全球熱愛，其照片更在網上瘋傳。Black Star Pastry 由 Christopher Thé 開設並主理，平均每星期賣出 15,000 件西瓜蛋糕，足以證明其人氣高企－齊來加入這股熱潮！

感觀體驗盡在 Poem Patisserie：
Poem Patisserie主廚 Vicky Lau 特別為展會入場人士帶來美食之旅 - 將以香港作為創作靈感，係雅緻嘅佈置中展示一系列美味嘅法國甜點。當賓客走入 Vicky Lau 係 Taste of Hong Kong 悉心打造嘅奇幻國度，用盡五感欣賞主廚 Vicky Lau 用於甜點嘅珍貴食材，一同欣賞香港文化之美，一定係一個好美好嘅體驗。

萬豪酒店「大廚餐桌」：
親嚐來自萬豪國際旗下餐廳——麗思卡爾頓酒店嘅米芝蓮星級餐廳天龍軒、香港W酒店 Kitchen、萬麗海景酒店 Mirage Restaurant & Bar，以及喜來登酒店 Oyster & Wine Bar 嘅世界級美饌佳餚。

講咗咁多食嘅部份，就到飲嘅部份啦！如果你係愛酒之人 ，又或者係咖啡愛好者，Taste of Hong Kong 內都有各種唔同嘅活動可以滿足到你。

威士忌愛好者：
The Johnnie Walker Highball Experience 酒吧為你嘅味蕾帶來嶄新體驗； 而喺The Singleton of Glen Ord 「感官品酒會」，賓客將會踏入特製嘅巨型橡木桶中，360° 環迴投射嘅絢麗影像映入眼簾 ，仿如置身於蘇格蘭高地。其後，係品牌大使嘅帶領下一邊品嚐 The Singleton of Glen Ord 12 年、15 年及 18 年經典威士忌，一邊藉由視覺、聽覺、嗅覺及味覺，全方位同步感受品牌豐富嘅歷史及獨特的製作過程，呢個活動仲係全球首次舉行添！

紅酒、白酒、毯酒及雞尾酒：
試完威士忌 可以試吓呢幾枝酒，分別為被澳洲最大嘅富邑葡萄酒集團評選為 90 分以上嘅得獎紅酒、 the Ultimate Fever-Tree Gin and Tonic Garden、Foxglove 特製嘅雞尾酒、Peroni 酒吧嘅啤酒、La Cabane 以天然「自然生態動力學」種植法釀製嘅紅酒及 Maison de Grand Espirit 酒吧精心挑選來自波爾多、勃根地、隆河及普羅旺斯嘅紅酒。

酒精過敏嘅人都唔洗怕：
全球首款無酒精蒸餾酒 Seedlip，提倡零卡路里、無糖、無代糖及無人工香料，女士唔洗怕肥，就算酒精過敏都可以體驗飲酒嘅樂趣。

除咗飲飲食食之外，仲有好多活動比大家參加，唔單止係大享口福咁簡單架！

咖啡文化：
Elephant Grounds 將舉辦一系列由咖啡界領導者主持嘅講座，分享咖啡文化及其知識。各 咖啡界資深人士亦會分享種植到收成、加工處理、烘焙及杯測、在家自製咖啡、咖啡拉花與咖啡同食物貼士。

即席煮食示範：
請到 Sharp Taste Theatre 向名廚取經，等你係下次晚餐中向你嘅賓客展示一手好廚藝。 來自英國的特別嘉賓包括 Tom Aikens、Tom Kerridge、Andrew Wong 及 Isaac McHale 將會在週末不同時段登場，將以他們出色嘅廚藝為入場人士帶來驚喜。

購物:
由食物、飲料到家居用品，大眾可在The Gourmet Market 採購由不同手工美食製造商提供嘅特色美食。

家庭同樂日：
首次參與嘅家庭私人會所 Maggie & Rose 為小朋友喺星期六和日安排數之不盡嘅節目。

聽覺享受：
入場人士在由香港炙手可熱嘅樂隊演奏悅耳歌曲中享受美食，詳細時間表將在稍後公佈。

今次小編就分享到呢度，希望大家係Taste of Hong Kong 飲飽食醉，玩得開心啲！係場內見到小編記住Say個Hi啊！到時見啦byebye！