前幾日小編去咗銅鑼灣崇光百貨搵食,見到樓下B2/F做緊亞洲美食展,又多咗美食好選擇,同大家分享下有咩好食啦!
桃小町 $25/個
雖然佢個樣係粉粉嘅蜜桃,但其實佢係士多啤梨味架!薄薄嘅皮入面包咗士多啤梨果肉、士多啤梨忌廉、紅豆蓉同海綿蛋糕,層次好豐富,好好味!仲有禮盒裝賣,買黎送比人勁開心!
御雪卷(士多啤梨/蜜瓜/芒果) $18/條
小編試咗蜜瓜味,好好食!糯米皮入面包咗海綿蛋糕同蜜瓜忌廉,店員表示佢地嘅忌廉係用新鮮水果打成,唔怪之得咁好食,如果即食仲可以幫你剪開一塊塊,好貼心!
爆漿芋 $30/2粒
小編諗唔明佢同芋有咩關係,如果你係爆漿控,就一定要試下,因為佢真係超級爆漿!內餡係香濃蛋黃味,食之前要準備定紙巾,唔好搞到好似小編咁爆到成身都係T^T
柚子蜜軟雪糕 $40/杯
小編係京都就食過佢地嘅蜂蜜架啦!真人好好味,將軟綿綿嘅軟雪糕裝係杯度,再淋上自選口味嘅蜜糖,入口嘅甜味好豐富!而且唔同嘅蜜糖有唔同嘅功效同口感,大家可以去試下!
地點:銅鑼灣Sogo B2/F
Tags: Homita為食家
如果你都想分享你嘅美容、時尚、旅行、運動心得,請將投稿文章連同不多於100字個人簡介同埋近照一張,電郵到: editor@homita.com.hk,文章經小編篩選後更有機會刊登喺我哋FB專頁,一經入選我哋會支付相應稿酬,仲唔快啲來投稿?
Author Information
You May Also Like