每個女仔嘅衣櫃入面都至少有一條牛仔褲，因為實在太好襯，日日著都唔會悶。但問題黎啦，你係咪淨係識將牛仔褲擺入洗衣機洗呢？成日擔心洗太多會易甩色同褪色變鬆？冇有怕！今日Homita就教你幾個去除牛仔褲異味的小秘訣，以後可以安心日日著！

第一招：將牛仔褲放入雪櫃

先用塑膠袋裝住牛仔褲，再放入冰箱，第二日就會得到經冰箱低溫殺菌過後乾乾淨淨嘅牛仔褲啦！唔洗浸水，又唔會因為洗衣機拉扯而變形，只需一個簡單小動作，就可以得到保持擔性嘅牛仔褲，真係個懶人專用好方法！


第二招：偶然俾牛仔褲透透氣，曬曬太陽

如果你條牛仔褲並冇任何明顯嘅汙漬，只係擔心有異味嘅話，唔需要清洗，可以將牛仔褲曝曬在陽光下殺菌，若係冇陽光嘅話，放係通風處都可以達到同樣效果。要注意，若果放在室內焗著，空氣唔流通嘅話，會好容易累積塵螨，甚至會有霉味嫁！


第三招：依據汙漬面積，搭配不同嘅清洗方法

若牛仔褲上只有一啲小汙漬，唔需要攞成條褲去洗，只需用牙刷同肥皂，針對汙漬局部清洗即可。

若牛仔褲上有大汙漬，先將褲子浸入肥皂水裡，等到10-15分鐘後開始大面積刷洗汙漬。若果都係無辦法完全去除汙漬，可使用小刷子或者牙刷，加強局部清潔。


第四招：注意只可使用凍水

一般人都會覺得只有熱水先能夠殺菌，殊不知哩個就係導致牛仔褲甩色嘅致命原因！用凍水搭配低濃度嘅清洗劑，避免破壞牛仔褲材質之餘，仲能夠將汙漬徹底洗乾淨，真係一舉兩得。

第五招：反面清洗、放入洗衣袋先係王道

手洗好麻煩，但用洗衣機又覺得洗得唔夠乾淨，唔通牛仔褲真係唔可以放入洗衣機嗎？其實係得嘅，只不果唔建議過於頻繁清洗牛仔褲，洗嘅時候仲要將牛仔褲嘅入面反出來，放入洗衣袋內，咁先唔會容易褪色同變形。