上次去咗炮仗坊食左個手撕雞冷麵，發現元朗真係好多好野食！今次我地又去到元朗搵野食，果然無白行一趟，食到小編係香港食過最好味嘅炸蠔餅啊！今次我地都係五十蚊二人同行，等我話你知我地食咗啲乜啦！
為食街小食
雞肉、牛肉串 $11/串
呢度嘅串燒好多人買，小編一次買咗2串，好大串啊！雞肉燒得岩岩好，好嫩滑；牛肉就無雞肉咁嫩，但都幾好食嘅！抵讚嘅係佢一啲雪味都無，應該係新鮮肉，都醃得好入味，而且沙嗲汁好高質！
肥姐蠔餅
炸蠔餅(碎上) $28
不得了啦呢間！真心超推薦啊！小編唔係好食蠔都覺得好好食！呢度嘅炸蠔餅係即叫即炸，好多人黎排隊食架！比咗錢之後係後面排隊拎，轉角有位坐。佢嘅蠔餅份量好多，２個人食夠晒，又唔腥，而且真係好多好多蠔！啲蠔大大粒好新鮮，同啲芫茜好夾，小編仲加咗辣汁，甜甜辣辣嘅味道加上咸香蠔餅，再加返一著莞茜，成件事好完美啊！
如果你都想分享你嘅美容、時尚、旅行、運動心得，請將投稿文章連同不多於100字個人簡介同埋近照一張，電郵到： editor@homita.com.hk，文章經小編篩選後更有機會刊登喺我哋FB專頁，一經入選我哋會支付相應稿酬，仲唔快啲來投稿？
Author Information
You May Also Like
