韓國一向有唔少好食又抵食嘅零食，隨便行入一間便利店都即刻選擇困難症發作。最近，韓國新出咗一款新嘅人氣手信零食，麻糬朱古力曲奇！曲奇外層鋪滿朱古力碎粒，香濃朱古力曲奇加入煙煙韌韌麻糬，雙重口感，做到「外脆內軟」。
韓國人好似對煙煙韌韌嘅食物情有獨鍾。年糕大家應該食唔少，搭配鬆脆曲奇外層估唔到獨有另一番滋味！ 呢次將朱古力曲奇同年糕結合，將口感提升咗一個層次。
而且麻糬朱古力曲奇係獨立包裝，包裝仲要超級可愛，上面印咗唔少熊仔，買嚟做手信都唔錯，而且超抵買，售價1500韓圓/5件（約HK$10）同2600韓圓/8件（約HK$17），經過韓國emart24不妨大量買嚟送比人做手信啦！
如果你都想分享你嘅美容、時尚、旅行、運動心得，請將投稿文章連同不多於100字個人簡介同埋近照一張，電郵到： editor@homita.com.hk，文章經小編篩選後更有機會刊登喺我哋FB專頁，一經入選我哋會支付相應稿酬，仲唔快啲來投稿？
Author Information
You May Also Like
