女仔，尤其係我哋呢啲後生女仔，講真真係好難儲到錢，基本上一個月有幾多人工就會洗幾多錢，最多儲錢就係為左旅行短期儲下，但好快就全部洗光，有時甚至連旅費都儲唔到。

依家小編就介紹兩種專為女仔量身打造嘅格仔儲錢方法。

356儲錢法

具體操作：

1. 準備一張如上圖嘅表格，由1填到365. 準備一張專為儲錢嘅銀行戶口or儲錢罐。

2. 之後嘅任務就係每日都要擺啲錢入呢個account或者儲錢罐中，每日任務完成就劃掉一日。唔需要mark down儲左幾多。

3. 每日儲錢數額可以唔定，今日洗錢多就儲20蚊，洗錢少就擺300入去。

4. 每次完成一張紙，即1年後，check下戶口餘額，你會被自己感動嘅！

小編自己粗步計左下，如果當每個月人工12k，唔需要比家用or交房租，咁每日都有400蚊可以用。咁，可以比如1日就係有400蚊，用淨嘅錢全部擺入account度，一年應該至少可以儲到50k。

諗諗下好似真唔會好難！

漸進階梯儲錢法

365儲錢法其實最啱一啲鍾意先苦後甜嘅人，同埋唔會成日買好貴嘅衫，又或者買衫購物唔會話一次過買好多好貴嘅人。如果你唔係呢啲性格，你覺得人生就應該及時行樂，都唔曬驚，呢個漸進階梯儲錢法啱曬你！

具體操作：

1. 準備一張好似上圖咁嘅表格，制定一個漸進式嘅儲錢計劃，準備一張專為儲錢嘅銀行戶口or儲錢罐。

2. 每日都擺計劃表中固定數額嘅錢入呢個戶口，唔可以間斷。

3. 每個月嘅日均儲錢數額要大過上個月，比如多10蚊。

咁樣，一年後呢個儲錢戶口都儲到23k。如果你平時洗得唔多，亦可以適當增加計劃數額，但重點係一開始一定要比自己一種儲錢完全唔會影響到自己生活嘅感覺，數額要少啲比較好。重點係之後要習慣呢種儲錢嘅生活狀態。

無論邊種方法都可以輕輕鬆松儲夠豪華型旅行嘅旅費！甚至，如果你嘅理財觀念比較強嘅，都可以用儲到嘅呢筆錢為自己購買一啲保險或者理財產品，以尋求更高收益。

無幾年就可以過上幸福小公舉嘅生活啦！