聽講下個星期香港又要凍一次，每一次變凍都係對皮膚嘅一次大考驗，每一次冷風吹過都覺得塊面緊繃缺水，好想日日敷面膜！但講真，如果真係日日敷，都係一筆唔少嘅開支。但有咩面膜係又平又好用，仲可以日日敷嘅呢？等我嚟話你知！
#Minon水潤保濕修護面膜
呢款一直都係日本藥妝店保濕產品銷量冠軍，含有高達22ml氨基酸美容液，瞬間補水。小編自己用上去感覺唔曬日日敷都可以保持肌膚水潤。
全港莎莎有售： 購買詳情
#LuLuLun Plus精油面膜
LuLuLun嘅面膜係日本嘅藥妝店都係超火爆，2017年仲拎左日本Cosme No.1。佢本身就有兩種，一種化妝水面膜，同上述嘅LuLuLun Plus。化妝水版就清爽啲嘅，而plus就會再潤啲嘅。小編係收集資料嘅時候就真係見到有youtuber敷足7日，日日敷呢款面膜，且敷完之後唔會沖水，直接擦cream，最後補水效果非常之好又唔會生粒粒。睇完小編都心動想換呢款試下了！
全港萬寧、莎莎、Log-on、AEON有售：產品詳情
#PaPa Recipe春雨蜂蜜面膜
呢款就係大陸遊客每次嚟香港都會瘋狂購買嘅一款面膜。小編有一次好奇，買左一盒嚟自己試下，的確不錯。精華非常容易吸收，仲有淡淡清新嘅蜂蜜味。小編都試過日日敷，完全唔會營養過剩。重點係第二日朝早起身，塊面就軟軟滑滑，一啲都唔會油。
重點想講下佢黑色款，蜂膠面膜。有一次小編下巴生左幾個又大又紅嘅M痘，敷左一次蜂膠面膜，敷緊就feel到幾個粒粒都慢慢細左，第二日起身，就變成細粒粒，無幾日就好返。佢就對於消炎、鎮靜大紅暗瘡有神奇功效！
全港萬寧、屈臣氏、莎莎、卓悅、卡萊美有售。
#肌美精保濕滲透面膜（超滋潤）
呢款面膜係消委會保濕產品報告中獲得超高分，甚至高於貴佢10倍嘅Lamer保濕精華。精華超濃稠，非常適合皮膚非常乾燥，需要緊急保濕補水嘅皮膚。佢仲添加左軟化角質嘅成分，幫助精華吸收。第二日朝早，塊面都係清爽、水嫩。
全港萬寧、屈臣氏、莎莎、卓悅、卡萊美、Log-on有售：產品詳情
#肌研極潤保濕面膜
呢款面膜添加左三重玻尿酸，非常服帖，1片都有20ml保濕精華。吸收快，都非常適用於乾燥肌膚緊急修護。無添加、無色素，亦都非常適合敏感皮膚使用。
全港萬寧、屈臣氏、莎莎、卓悅有售。
