Converse居然同Coca-Cola推出聯名鞋款？而且仲係超適合夏日嘅「湖水藍」配色？呢次可口可樂唔只同Converse，仲同媲美Supreme嘅超強潮牌「KITH」一齊嚟個三方聯名，除咗鞋之外嘅一系列服飾都超級正！

呢對湖水藍高筒帆布鞋，只睇顏色已經相當誘人～仔細一睇，上面仲繡上白色嘅「Coca-Cola」LOGO，而且仲有印上KITH嘅紅色標牌，創新聯名加色系，配上經典鞋型同LOGO，呢對鞋係唔係新潮又復古，別有一番風味？

除咗攜手帆布鞋品牌 Converse 打造嘅 Chuck 70 鞋款外，本季 KITH 仲將 Coca-Cola 嘅經典元素融入 T-Shirt、短褲、衛衣以及帽子等單品中，夏日氛圍濃厚。

超搶眼嘅拼接色塊Polo衫配色相當特殊，唔只男仔可以穿～女仔穿Oversize亦能有種性感又俏皮嘅感覺。

經典嘅Hoodie當然唔可以錯過，有趣嘅係呢次可口可樂 x KITH將殊衝浪版印喺Hoodie上方！如果男朋友熱愛衝浪，拎個可口可樂 x  KITH嘅衝浪板，再著上呢件Hoodie一定又潮又舒適。

同時亦推出聯名可樂，呢次紅、黑、藍、白，四色設計唔知會係咩口味，相信只係隔住個屏幕望，都已經令大家喺炎炎夏日中感受到一絲絲冰涼。嗝~

如果有心水，各位可以入手啦！小編勸大家要快啲入手，因為呢個系列喺8月初上架時，就已經造成搶購熱潮。KITH x 可口可樂 2019 聯名系列已登陸 KITH 官網，8 月 9 日亦全面於 KITH 門店上架。大家手快有手慢無呀！