又係一星期一會嘅窮人食家，今次我地去咗元朗又新街，同樣以50蚊去掃街，睇吓有咩好食?
串皇
燒牛柳串 $15
呢度係即叫即燒，所以都要等一等，牛柳串好香，好好味。啲汁好好味，留黎一陣點手抓餅。
亞玉豆腐花
黃豆豆腐花 $9
呢度排曬隊，好多人都知呢度豆腐花好好食，小編係拍攝當日重感冒，叫咗碗熱豆花食，好滑好滋潤嘅感覺，又唔會太過甜，好好味！
世界第2好味雪糕蜜瓜麵包
章魚燒串 $14
老老實實，小編睇過大家評價後，唔係好想食香港嘅雪糕蜜瓜麵包(日本版真好好好味啊！)，但係呢間世界第2好味雪糕蜜瓜麵包係有賣熱食，今次食咗佢嘅炸章魚燒串，幾特別幾好味，大家可以去呢間雪糕蜜瓜麵包店買熱食，重點係又新街排晒隊但過個馬路嘅呢度冇乜人，唔洗等！
辣之醒
手抓餅(原味) $12
小編梗係唔會同你講因為我地得返12蚊所以只可以食原味手抓餅啦，啱啱咪同大家講話要留返啲汁點手抓餅(其實夾埋啲肉仲正)，大家就可以將成件事變成印度食法，點沙嗲汁食，即刻將本身個手抓餅嘅質感升咗幾倍！
Tags: Homita窮人食家, 元朗狂食
如果你都想分享你嘅美容、時尚、旅行、運動心得，請將投稿文章連同不多於100字個人簡介同埋近照一張，電郵到： editor@homita.com.hk，文章經小編篩選後更有機會刊登喺我哋FB專頁，一經入選我哋會支付相應稿酬，仲唔快啲來投稿？
Author Information
You May Also Like
