成日聽到有Fd話要減肥，唔食晚餐，結果餓到眼花。係，啱，太夜食飯消化不好，容易過分吸收，確實是容易肥啲嘅。但，如果，萬一，真係肚餓了點算呢？不食又驚整傷腸胃，食又真係幾擔心會讓自己堅持多年的減肥大業功虧一簣。

安啦，安啦～今天就介紹8種超低熱量的食品比你，下次唔好眼花喇！

#原味爆谷

未估到爆谷都係低卡路里野食吧？其實，話佢低卡係有條件嘅，只有原味先得，落牛油嗰啲就唔好諗了。

Photo Via 台灣Wiki

#牛油果

牛油果一直都是減脂神器一樣的存在，因為它熱量低又營養豐富，容易產生飽腹感。有人覺得唔鍾意佢油油的感覺，可以配上yogurt食口感就會好很多。

Photo Via www.baojianbao.com

#香蕉

香蕉的糖分其實並不算少，但好在容易產生飽腹感和幸福感，又通便，如果不是說餓到就來暈低都可以安撫下自己寂寞的嘴巴的。

Photo Via fitz.hk

#原味Yogurt

yogurt入面含有豐富的蛋白質同脂肪，不過放心，含糖量低的酸奶都是不會讓你變肥的，反而蛋白質同脂肪可以讓自己不會很快又肚餓。

Photo Via Medical News Today

#黑朱古力

朱古力在脂肪上的效果同yogurt差不多，同時黑朱古力不會很肥且對心臟也大有好處呦。

Photo Via Dr Spencer Lai

#燕麥

燕麥也是容易產生飽腹感且不容易覺得肚餓的一種食物，但原因有些區別，燕麥除了比較豐富的植物蛋白之外，仲有豐富的膳食纖維，不是那麼容易消化掉的東西呢。

Photo Via 悅龍軒

#鷹嘴豆泥

呢樣野也是神奇的存在，其實幾好味，擺沙律入面都幾有味道，佢含有豐富的維生素、蛋白質同抗氧化物，最重要的是熱量低，當小零食簡直不要太合適。不過，香港政府去年檢測出美國入口的 Classic Hummus with Pretzels 同 Roasted Garlic Hummus with Pretzels 兩個產品不合格，大家購買時小心啲就好喇～

Photo Via mindestyle.com

#藍莓

其實小編並不主張在減肥時食太多生果，很多生果其實糖分真係幾高，但藍莓算其中唔係好高的，抗氧化劑含量也高，也是不錯的選擇。

Photo Via yesser99

當然了，零食充飢可以，千萬不要以為熱量低就可以亂咁食。