寵物小精靈迷又有新嘢可以收藏啦，悠遊卡公司獲得原廠授權，推出全球第一款｢精靈寶可夢造型悠遊卡-3D寶貝球｣，喺7月3日上午10時起喺統一超商、全家便利商店及PChome24h購物開放預售，但開賣5分鐘後已已全部售罄~ 想將精靈球納入收藏嘅，可能就要捱炒價。

悠遊卡公司表示，寵物小精靈喺全球擁有廣大玩家，街頭巷尾唔難見到玩家攞住手機玩Pokemon Go「抓精靈」；呢次推出嘅3D精靈球悠遊卡除咗具有3D球型設計外，喺消費者搭捷運 (台灣地鐵)、公車 (台灣巴士) 及小額消費時，球上會亮綠燈顯示感應成功，猶如Pokemon Go中，成功收服寵物小精靈嘅精靈球，唔單止造型特別，互動體驗亦相當有趣。

寶可夢3D寶貝球悠遊卡預購首批只有3000個，於7月3日上午10時起已開放預購，首批可以喺統一超商、全家便利商店及PChome24h購物買得到，每個售價新台幣350元（約 HK$88.15），每人限購4個，預計7月31日取貨；自7月3日至7月17日有第二波預購，但就要等到9月25日先攞得到，限量11,000個。是次一共發行1萬4000個，結果銷售一空，目前悠遊卡公司沒有追加第三波打算。

近年來悠遊卡創意連發，推出嘅造型悠遊卡屢屢成為市場上嘅搶手貨，去年發行酒樽造型嘅「金牌台灣啤酒3D造型悠遊卡」讓市場耳目一新，今年1月底發行嘅「美少女戰士造型悠遊卡-月光寶盒」更造成搶購風潮，甚至有網友分享「去咗20家便利店都買唔到」；「精靈寶可夢造型悠遊卡-3D寶貝球」上市後，同樣也引玩起瘋狂討論。由於精靈球悠遊卡係限量嘅關係，將唔再有得。