近年日本流行飼養雀仔,喺Twitter上不時都會見到網友們炫耀自家可愛嘅鳥兒,令小編超級心動呀~日本淺草就開咗一間以鳥類為主題嘅咖啡店「鳥のいるカフェ」,等大家有機會近距離接觸呢種可愛生物!
喺入口位置就已經見到有一排貓頭鷹企咗喺度,迎接訪客。唔好睇貓頭鷹外表咁可愛,佢地係猛禽類嘅一種,所以喺觸摸時一定要跟足店員嘅指示。如果特別想同某一隻貓頭鷹互動嘅話,就可以同店員反映。佢地會幫忙將貓頭鷹放到你嘅肩膀或手臂上,打卡時更有氣勢!
店內有多達20種、90隻以上鸚鵡,仲特別有一間房俾佢地到處飛舞,由於鸚鵡嘅羽毛顏色都唔一樣,望上空中真係有種眼花撩亂嘅感覺。小編就覺得黃綠色嘅鸚鵡最討喜可愛~當你餵食嘅時候,鸚鵡就會温馴地落喺你嘅手、肩、頭上,呢一刻就係接觸佢地、一齊影親密合照嘅最好時機。
鳥類喺空中飛舞時有可能會掉落便便,所以店家都好貼心地為大家準備咗雨衣,咁就唔洗擔心會整污糟自己件衫啦!大家亦要注意,鳥類嘅破類力強大,所以唔好戴住貴重飾物與佢地互動啦。
喜愛鳥類嘅你,一定唔可以錯過呢個與佢地互動玩耍嘅黃金機會呀!
鳥のいるカフェ 浅草
營業時間: 11:00〜19:00
定休日: 年中無休
電話: 03-6802-8572
地址: 東京都台東区浅草1-12-8 大山ビルB1F
如果你都想分享你嘅美容、時尚、旅行、運動心得,請將投稿文章連同不多於100字個人簡介同埋近照一張,電郵到: editor@homita.com.hk,文章經小編篩選後更有機會刊登喺我哋FB專頁,一經入選我哋會支付相應稿酬,仲唔快啲來投稿?
Author Information
You May Also Like