去到日本東京，又點可以唔去近郊走一趟呢？川越就係其中一個新興嘅旅遊熱點，當地保留江戶時代嘅建築特色，街道古色古香，亦因此而有小江戶之稱。而去到川越遊玩的話，就絕對唔可以錯過拜訪氷川神社嘅機會！
氷川神社歷史長達1500年，更被川越市登錄為指定文化遺產，充滿文化色彩。神社中祭祀着夫婦神（素盞鳴尊與奇稻田姬命）、兩人嘅孩子大己貴命，以及奇稻田姬命嘅雙親，所以喺神社主要可以祈願戀愛圓滿、家庭和睦。
氷川神社會派發免費嘅姻綠石，石頭都係經由巫女撿拾後進行加持祈求，再以白網包裏而成。姻緣石每日限量20個，由早上8時派發，但訪客都會特意提早前排隊，約七點左右就已經排滿人數。假如大家想要姻綠石嘅話，就必定要提早出門呀！
古代嘅日本人相信，風能夠寄託人嘅念想，將感情傳達出去。所以神社於每年夏天都會舉辦「結緣風鈴」活動，約7月至8月期間，大家會將寫上願望嘅紙片綁於風鈴，並於神社嘅藤架上祈求戀愛、友情、家庭綠分。微風吹過時風鈴發出清脆嘅聲音，帶嚟治癒嘅感覺～
川越氷川神社
地址：埼玉県川越市宮下町2-11-3
時間：09:00–17:00
費用：免費
交通方式：
JR東武東上線「川越駅」、西武新宿線「本川越駅」轉搭東武巴士
東武巴士「宮下町」下車，「喜多町」徒步5分鐘、小江戸巡回巴士「氷川神社前」下車
如果你都想分享你嘅美容、時尚、旅行、運動心得，請將投稿文章連同不多於100字個人簡介同埋近照一張，電郵到： editor@homita.com.hk，文章經小編篩選後更有機會刊登喺我哋FB專頁，一經入選我哋會支付相應稿酬，仲唔快啲來投稿？
Author Information
You May Also Like
