日本便利店每次展開活動都會引起關注,因為大家都唔想錯過品嚐新商品嘅機會!今次日本LAWSON就展開咗於全國開催嘅活動,以「北海道」為主題,將當地嘅餐目帶到日本各地,等全國人民都可以感受到北海道嘅活力!
帯広名物 豚丼
2月19日(火) 發售!
LAWSON標準價格 550円(連稅)
去到北海道帶廣,就一定要試嘅名物「豚丼」當然會喺活動中登場啦!鋪喺面頭嘅厚切豬里肌肉上,淋上北海道當地著名調味料製作者嘅特製醬汁,連底部嘅飯亦沾滿甜辣嘅醬汁味道,令人食欲大開!
北海道産たらこのパスタ
2月19日(火) 發售!
LAWSON標準價格 430円(連稅)
呢款意粉用咗北海道產嘅鱈魚子,上面嘅醬汁係利用低温抽出技術,將昆布、香菇、鰹魚抽製而成,散發濃郁香,同時亦能帶出鱈魚子嘅鮮味。
ウチカフェ あんもちタルト(北海道小豆使用)
2月19日(火) 發售!
LAWSON標準價格 195円(連稅)
香滑嘅紅豆醬係用北海道產紅豆製成,再混合忌廉鋪滿整個塔面。而塔嘅底部就放咗糰子,食起嚟就有粘糯嘅口感。
しっとりメロンパン 北海道赤肉メロン
2月19日(火) 發售!
LAWSON標準價格 135円(連稅)
蜜瓜口味嘅麵包中包住嘅忌廉加入北海道赤肉蜜瓜果汁,入口即溶!滿滿嘅蜜瓜香氣絕對會令你對呢款麵包愛不釋手。
活動仲推出咗其他富有北海道特色嘅小食飲品,大家經過LAWSON嘅時候,記住要買嚟試下啦!
如果你都想分享你嘅美容、時尚、旅行、運動心得,請將投稿文章連同不多於100字個人簡介同埋近照一張,電郵到: editor@homita.com.hk,文章經小編篩選後更有機會刊登喺我哋FB專頁,一經入選我哋會支付相應稿酬,仲唔快啲來投稿?
Author Information
You May Also Like