東京文華東方酒店旗下客房及套房已完成全面翻新工程，並提供豪華住宿體驗。今次已全面翻新嘅客房及套房合共179間，並完美呈現日本傳統美學。日本嘅工匠手藝更與科技結合，展現獨有嘅日本現代藝術特質。賓客喺住宿期間，將可親身體會到薈萃傳統及創新嘅設計特色。

著名紡織品設計師Reiko Sudo及藝術總監Ryu Kosaka沿用 「木與水」室内設計主題，將木材及大自然等元素注入設計當中，打造一個猶如置身於大自然嘅住宿體驗。而Jeffrey A. Wilkes 更擔任總統套房嘅首席室內設計師；雅緻嘅裝潢配以日本設計美學，為賓客帶嚟奢華住宿體驗。

客房選用特別訂製日本傳統紡織品和家具，代表著四季變化，例如以金色、橙色及紫色代表秋天，以及於床頭板繡上代表著春天嘅紫藤花及櫻花圖案，務求將各種自然風光融入房間設計當中。

所有房間均配備最新嘅網絡協定電視(IPTV)，賓客可將Apple和Android裝置接駁至49至77吋嘅4K HDR電視上，享受最高聲畫質素。

文華瑰麗客房 
客房配以現代日式風格裝潢，床頭燈具以竹繩製成，床頭板更繡上精巧細緻嘅垂枝櫻花，營造出恬靜悠閒嘅室內氛圍。客房内放置弧形線條嘅躺椅及橢圓形桌子，為賓客營造舒適環境。

東方套房
套房以百花盛開作為設計主軸，獨立客廳内嘅沙發及椅子均繡上名為「花雨」嘅花卉圖案，突顯出日式美感及優雅。床頭板繡上盛開嘅紫藤花圖案，而床頭櫃更以泡桐樹木頭製成，將日本工匠手藝表達得淋漓盡致。

套房裏嘅地毯結合日本水墨畫，巧妙地呈現出雲彩及清風，更與窗外迷人嘅東京景觀互相輝映，使人着迷。而精美嘅手工銀箔圓桌及金箔花櫃更令房間生色不少。套房特別選用靈感來自日本「行燈」嘅傳統燈飾，燈罩外觀由和紙製成，放置於房間不同位置，格外彰顯出日式設計嘅獨有美感及設計者對細節嘅關注。

總統套房
總統套房嘅設計靈感來自日本盆景及園林藝術，並融入不同室外環境，設計者選用唔同嘅藝術壁畫，營造出東京公園枝葉扶疏嘅景象，令賓客彷如漫步於公園當中。

獨立客廳光綫充足，日光透過落地玻璃映照到室内，賓客可以透過窗戶觀賞到整個東京嘅亮麗景色。客廳更設有多個風格獨特嘅休息區，當中更包括一個品酒區與一間獨立書房。

飯廳牆壁裝嵌以大自然為主題嘅壁畫，繪畫出陽光透過樹枝照亮東京公園嘅景象。而飯廳嘅天花吊燈更令人聯想起柔和的太陽，散發出溫暖光綫，與日光相映成趣。櫥櫃刻畫雀鳥、蝴蝶及植物圖案，加强總統套房特色。

臥室天花板更打造出一個透過樹木仰望天空嘅感覺。房間上嘅地毯圖案，由不同摺紙綫條組成，使人聯想起日本傳統摺紙藝術(Origami)。浴室享有東京一覽無餘嘅景觀，配以獨有嘅室内照明系統，燈光打喺浴缸水上，形造出閃閃生光嘅效果。

於風和日麗之時，賓客更可從總統套房裏遠眺富士山嘅壯麗景色。

賓客可以預訂「日本橋體驗之旅」,親身體驗日本傳統文化及歷史，禮遇包括豪華酒店住宿、享用精美雙人早餐及與參加歷史悠久嘅日本橋區文化體驗。