不經不覺間，又嚟到櫻花盛開嘅季節啦！日本甜品店パティスリー キハチ(Patisserie KIHACHI)就由2月27日(三)起，以期間限定形式推出咗人氣櫻色蒙布朗、士多啤梨甜點等等充滿春天氣氛嘅甜食。

モンブランSAKURA  584 円（連稅）
販賣時期：2 月27 日（三）～ 4 月23 日（二）
整個蒙布朗都係粉嫩嘅櫻色，奶油忌廉層層疊起，散發陣陣櫻花香氣。而甜品底部係以櫻花葉碎混合全粒粉製成嘅糖粉奶油細末，令甜點更加香口，並增添櫻花葉香。頂部嘅忌廉特意造成櫻花形狀，更飾有鹽漬櫻花，可見每一個小細節都有加入櫻花元素咖！

ガトーピスターシュ 562 円（連稅）
販賣時期：2 月27 日（三）～ 4 月23 日（二）
呢款蛋糕以帶嚟春日感覺嘅綠色為主，麵粉及慕絲都係用開心果製成，而忌廉部份就係開心果及白朱古力混合而成。蛋糕中間夾雜櫻桃啫喱、樹苺果醬，夾埋濃郁嘅開心果香味係完美配搭！

苺のブランロール 
一件 584 円 、蛋糕卷(約14cm)  2,268 円(連稅)
販賣時期：2 月13 日（三）～ 4 月23 日（二）
瑞士卷正中心放咗草莓，中間夾住嘅莓果果醬係用草莓加上覆盆子整成咖！表面嘅生忌廉入面落咗馬斯卡芝士，帶嚟層次分明嘅口感。

ベリーヌ フレーズパルフェ 584 円（連稅）
販賣時期：販賣中 ～ 4 月23 日（二）
呢款甜品杯以赤紅與雪白兩色作為對比，中間嘅紅色果醬係用莓果肉同埋樹莓果醬製成，而白色夾層就係牛奶忌廉嚟嘅。結合起嚟就成為草莓奶昔口味芭菲啦！