迎嚟士多啤梨嘅豐收季節，Honey's Kitchen就推出咗草莓沙冰及果汁飲品，由2月1號開始作為季節限定發售。今次系列一共有三款，配搭不同且各有特色，總有一款啱你心水。一齊睇下有咩組合啦！

苺ミルクスムージ―　チョコホイップ仕立て Ｓsize ¥648 
草莓奶昔冰沙上層蓋滿朱古力忌廉，當中特別加入樹莓粉，所以香甜嘅朱古力中能品嚐到莓果嘅甘酸味道。兩者完美地結合起嚟，成為呢一款造型可愛嘅冰沙~

まるごと苺スムージー Ｓsize ¥594　Ｍsize ¥702
同為冰沙，呢款造型較為平平無奇，皆因佢係只係以草莓以及蜂蜜兩者製成。冰沙當中用咗大量草莓，加上簡單嘅配搭，令你可以專注於品嚐草莓嘅味道，不受其他食材影響。

苺ジュレのスパークリングレモネード　 Ｓsize ¥464　Ｍsize ¥572
呢款檸檬氣泡水中加入切成細塊嘅草莓啫喱，飲落除咗試到香甜嘅草莓，仲可以享受炭酸飲品特有嘅爽快感覺，配上薄荷更帶嚟另一番滋味。

※所列價格皆已連稅

想試呢三款飲品嘅話，就可以去到VECUA Honey marche(ベキュアハニーマルシェ)嘅大丸京都店或阪急三番街店內嘅Honey's Kitchen(ハニーズキッチン)落單購買！