同屋企人食完團年飯，拜完年，又點少得家庭活動呢？小編今次就推介一樣健康得嚟又有新年氣氛嘅活動—去位於灣仔嘅「利東街」同「The East」行。今年，利東街以「利東喜盈豬」為題，打造全港最大型嘅戶外新春步行街，採用668個寓意圓滿、光明嘅金光千紅燈籠同238個金光閃閃嘅錢幣，加上中庭嘅「利東喜盈豬」增添喜慶，祝願市民前途光明、財源滾滾，寓意「豬牽富裕年」。

#    「利東喜盈豬」行大運 

    今年係豬年，又點少得「利東喜盈豬」坐陣？「利東喜盈豬」嘅身體左右兩邊都有閃閃發光嘅LED裝置，就好似走馬燈咁，寓意「財源滾滾」，向大家發送好運。趁住新春佳節，一家人嚟利東街感染「金豬」嘅聰明靈氣，令全年都「豬」運滿溢！

#    金錢閃爍「利東街」

    「恭喜發財！」利東街今年以「路路發」同「易發」恭祝大家發財！利東街今年以銅錢做裝飾。「錢」同「前」同音，圓形加上中間鏤空嘅設計，就好似眼一樣，寓意為「眼前」，象徵發財致富就在眼前。望住閃爍金光嘅銅錢，再加上近千個紅燈籠，係利東街與光影共舞，渡過一個幸運如意嘅新春！

#    金豬新春年宵幸運大放送 財神舞獅同遊「利東街」及「The East」

    新年又點少得新春活動？今年，「利東街」同「The East」分別請咗書法家李清緒同華戈，幫大家提字、寫揮春。係2月19號，「利東街」同「The East」仲會有舞獅表演。另外，適逢元宵佳節，「The East」仲聯同餐廳NINETYs同香港著名甜品名廚Jeffrey Koo推出免費甜蜜蜜朱古力蛋糕工作坊，愛神天使仲會係在Fast4ward情歌表演期間大派朱古力，等你同另一半歡度一個滿載甜蜜嘅新年！

#    尊享金豬新春購物賞  獨有限量套裝利是封

    「呀哥個女嘅、表姐個仔嘅、Peter嘅細佬妹嘅…弊！唔夠利是封㖭！」唔緊要！只要係1月27號到2月28號期間，係「利東街」同「The East」嘅鋪頭（不多於2間）買滿指定金額，就可以憑電子收據，即日換取一套「利東喜迎豬」利是封，無論係新春定婚禮禮金賀禮都啱用！唔單止咁，「利東街」同「The East」嘅鋪頭仲有新春及情人節優惠等緊你去買野！

    年初二係維園睇完煙花，搭住「叮叮」欣賞港島景色去灣仔，一家人去「利東街」同「The East」行，感受濃厚嘅新春氣氛，「豬牽富裕年」！

「利東喜盈豬」
日期：2019年1月29日至2月28日
地點：灣仔「利東街」及「The East」