依個世界無醜嘅人，只有懶嘅人！「週末衣櫥 - 第17回懶人市集」就幫大家搜羅咗一列嘅潮流服飾，幫各位懶人著得入型入格，由懶人變潮人！今日就等我哋睇下「週末衣櫥 - 第17回懶人市集」有乜特別嘅攤檔啦！

#    押花之作：90s.daily_

(90s.daily_)

    90s.daily_，中文名為玖拾日常，攤位以押花產品為主，以「花朵永不凋零，盛開綻放永恆不變」為目標，保留鮮花最美嘅一刻。檔主利用押花，造成一個又一個與別不同嘅手機殼，同大家親近自然，欣賞花之美！

#    少女們的衣櫃：軟妹子衣櫥

(軟妹子衣櫥)

    軟妹紙衣櫥，係一間以敏銳嘅潮流觸覺，為大家搜羅唔同少女風格嘅時裝嘅網店。檔主仲自己親身擔任Model，等各位可以直接睇到穿上身之後嘅效果圖。咁親力親為嘅檔主，要去邊到搵呀？

#    簡約時尚手袋：HouseofYu

(HouseofYu)

    HouseofYu嘅店主相信每個袋都係獨一無二嘅。她們特别注重細節，所以每個袋嘅設計風格都係時尚而又簡約，而且仲帶有特色嘅配搭，大家拎住HouseofYu嘅手袋，就可以簡單塑造簡約時尚風，成為潮流嘅尖端。

#    香氣滿屋：Oneday_perfume

(Oneday_perfume)

    Oneday_perfume專門出售自家調製香水同家居香薰，而且仲會不時舉辦香水製造工作坊，幫助大家搵到專屬於自己同屋企嘅香氣，以獨一無二嘅香水同香薰令成間屋都充滿香氣！

    各位懶人，唔好再訓啦！快啲去D2 PLACE，行《週末衣櫥 - 第17回懶人市集》，等一眾檔主幫你換新Look，由懶人變潮人！

《週末衣櫥 - 第17回懶人市集》    

日期：2019年1月25至27日
時間：下午1時至晚上7時
地點：荔枝角 D2 PLACE ONE 2樓 The Space （荔枝角地鐵站D2出口）