衣櫃嘅衫一大籮，但又著唔出衣尚感？今日小編要話你知五個重要因素影響你嘅衣著，以後就可以輕輕鬆鬆著出時尚感！

#1)顏色配搭

     乜嘢顏色嘅衫會影響你俾人嘅第一印象，例如：黑色有時尚、穩重嘅感覺，白色有活力、陽光嘅感覺；暖色較柔和，予人感覺平易近人；冷色系則較高冷。想穿出好嘅顏色配搭，營造出吸晴效果，顏色學係各位姐妹嘅必修課！

#2)聰明運用小飾物

     有時候，衣服配搭一啲小飾物可以有畫龍點晴嘅效果。善於利用腰帶、胸針、帽、頸鏈等小飾物，可以打造出與別不同嘅風格。

#3)衣服用料

     唔一定要高檔嘅布料先可以著出高級感，有啲常見嘅布料一樣幫你營造出時尚味道。輕微閃亮反光嘅物料都能吸引眼球，經典例子有PU皮同絲絨。

#4)小許性感

     小許性感嘅衣著絕對可以帶出女人味！聰明運用透視打底衫、穿上過膝長BOOTS或者過膝襪露出你嘅「絕對領域」、輕輕露出你嘅香肩、小deep V針織衫等都可以令誘發別人對你嘅遐想！

#5)加入流行元素

     每年流行元素都唔同，有時係格仔，有時係條紋，而今年嘅流行元素非豹紋莫屬！只要喺部份衣搭加上流行元素，不經意地就可以創造出時尚感！

*圖片源自網絡