農曆新年最期待既活動一定係逗利是，除左入面有幾多錢好重要之餘，一個又靚又特別既利是封都可以加好多分！除左出街買自己姓氏既利是封之外，其實各大商場推出左特別版既利是封俾大家換領添，而且款款都各有特色，玩味十足既又有，行傳統路線既亦有！所以小編就幫大家分好類，即刻睇下有邊款利是封岩你心水喇。

想要有啲新意?去以下網址睇下啦!

https://www.homita.com.hk/tc/article/2915

#華懋集團商場「黃金牡丹 • 利是封套裝」

呢Set真係超豪華！利是封以桃粉色牡丹點綴，同燙金牡丹互雙暉映，配上紅運吉祥既仿皮利是包，係喜慶既新春裡份外亮眼～

#黃埔天地「花開富貴」利是封

剪紙係中國既傳統手藝，中國風既東方美學設計加上高貴金紅兩色既配搭，真係超級典雅呢，加上桃花和水車輪，自然風生水起財連連！

#新地十二大商場「團豚花漾慶新春」利是封

利是封用珍珠祥雲紙印刷而成，配合熨貼絨毛，材質獨特，圖案充滿立體感同層次感，遠看呢個利是封真係超逼真，拎上手個觸感仲有驚喜，如果收到呢個利是一定要好好珍藏。

#又一城「百福獻瑞」賀年利是封

呢款利是封充滿住傳統既味道！設計雖然簡單但依法滿載住心意同祝福架，希望大家踏入新一年人緣暢旺、百福齊來！

#新都會廣場「花語蜜語」精緻利是封

封封藏花語，借花傳心意。利是封設計特別，封口印有高貴典雅既燙金花卉，喜氣中盡顯高貴。中央既花卉圖案猶如一朵嬌羞動人既4鮮花，只要對摺花卉，就可以打開利是封。

#ac香港仔中心「花開富貴」利是封

利是封融合中國傳統剪紙手藝，以高貴金同紅兩色做配搭，充滿濃濃既典雅味道！利是封上仲有桃花如同水車輪圖案，寓意繁花綻放，風山水起！

#香港佛羅倫斯小鎮限量版「豬仔錢罌」利是封

今年既別注版利是封塑造左人見人愛既豬仔錢罌圖案，簡約風格注但又充滿意義既新年祝福，仲契合咗小鎮購物幫你慳錢既寓意，相得益彰！

#奧海城 荃新天地 Peppa Pig DIY利是封

近年圈粉無數既小豬佩奇都同大家黎賀年喇，粉色佩琪就襯曬今個豬年。而呢個「Peppa Pig DIY新春利是封禮盒」，仲包括燙金利是封同4張揮春，仲送埋Peppa Pig新春造型貼紙，自製獨一無二利是封同揮春話咁易。

#Mira Place 花開富貴利是封

香檳金色既利是封，再配上花開富貴既圖案，簡約得黎又高貴！

#HomeSquare 家「添.喜」慶真皮利是封 

質感豐富既皮革結合線條幼細既紙雕，突破利是封傳統慣用純紙質既設計，真皮內套綴以傳統吉祥喜慶圖案同四款別注傢俱既剪影，換上新春喜慶新裝既傢俬及燈飾變身成利是封！咁特色既材質一定要好好收藏。

#「利東喜迎豬」利是封

呢個利是封可以係新春使用，亦可以用於婚禮禮金賀禮添！而且大大隻金豬係上面好好意頭，背景仲係利東街既賀年裝置，掛滿燈籠，財源滾滾。

＃「The East」花開富貴利是封

今次The East就設計咗四款利是封，高貴黎得又不失傳統既感覺，仲用咗唔同既象徵（例如：桃花、錦鯉等等黎祝福各位新年快樂、魚如得水，桃花處處開！

＃港鐵商場　時來運轉利是來 新春利是封

利是封結合花幻及同福轉新春主題設計，設有紫紅同金色兩個顏色，同大家喜迎豬年。

#ELEMENTS 圓方 高貴利是封套裝

精裝版利是封套裝加入高貴金色利是封外，仲附上喜慶兩用手提包，實用得黎又滿充又洋溢新春喜氣。

#淘大商場 「喜鵲迎春」利是封

英姿煥發既喜鵲置身於桃花海，向大家拜年，寓意新一年展翅高飛！仲有刮刮卡玩添！

#荷里活廣場「豬」光寶氣  閃石利是封

己亥年豬年將至，荷里活廣場特別製作一套以豬為主題嘅利是封，凸印粉紅小豬演繹出三種不同神韻以及形態，既可愛又高貴，寓意大家新一年財源滾滾，一身珠光寶氣！

#時代廣場「錦繡年華」利是封

配上粉紅同紫色金線繡出花團錦秀圖騰，配合「富貴吉祥」祝福語。今年共有三款顏色，分別係浪漫既紫色、高貴昸寶石綠色同奪目既黃金色，祝願各位今年充滿愛、快樂，福氣滿滿，好有心意呀！