相信大部份女生都鐘意「放閃」，係社交網站上大曬同伴侶嘅甜蜜生活，除咗係想分享自己嘅喜悅之外，其中一個原因必然係想「插旗」等大家知道佢係你男朋友，眼看手（心）勿動！但係反觀男生就比較少係社交平台「放閃」，不過咁多女生都唔洗太擔心，可能係只想鐘意低調姐。所以各位姊妹，如果男朋友唔鐘意呢個行為，千奇唔好隔硬逼佢放相！
＃唔鐘意公開私生活
好多男仔都好低調，而且亦唔鐘意公開自己既私生活俾人睇，又者或係佢既Facebook、Instagram上有同事、老細等人物，唔方便擺太多甜蜜照。不過就算佢唔放閃，但平時都會帶你出席佢朋友既聚會，都可以證明佢重視你，因為將你加入自己既生活圈子！
＃有陰影
古語有云：「一朝被蛇咬，十年怕草繩」可能佢以往對於放閃有陰影，例如以前佢同前度經常放閃，最後不歡而散，仲要逐張逐張相刪除，真係當相麻煩。而最諷刺既就係，係張相下大家曾經留言要「一生一世，永不分離」最後都係慘被打臉！
＃真係唔愛你
如果佢生活圈子無你，又唔願意Po相曬恩愛，仲要成日將你收收埋埋的話，咁你就要好好諗清楚佢係咪鐘意你，分分鐘自己只係備胎，而對方又同時同其他女仔曖昧中！
Tags: Homita私房話
如果你都想分享你嘅美容、時尚、旅行、運動心得，請將投稿文章連同不多於100字個人簡介同埋近照一張，電郵到： editor@homita.com.hk，文章經小編篩選後更有機會刊登喺我哋FB專頁，一經入選我哋會支付相應稿酬，仲唔快啲來投稿？
Author Information
You May Also Like
